Parłamient Hrecyi prahałasavaŭ za piensijnuju reformu, niahledziačy na pratesty
Parłamient Hrecyi 8 maja prahałasavaŭ za zakonaprajekt, jaki praduhledžvaje praviadzieńnie piensijnaj reformy i pavyšeńnie padatkaŭ i jaki vyklikaŭ šmat sprečak.
Reforma praduhledžvaje skaračeńnie niekatorych piensijnych vypłat, źlićcio niekalkich piensijnych fondaŭ, pavyšeńnie sacyjalnych uznosaŭ i padatkaŭ na siaredni i vysoki dachod.
Zakonaprajekt na stadyi abmierkavańnia užo vyklikaŭ chvalu abureńnia ŭ mnohich hrekaŭ. Na praciahu dvuch dzion u krainie prachodzili usieahulnyja zabastoŭki, nie dziejničali hramadski transpart i ŚMI.
Adnak premjer-ministru Aleksisu Cyprasu ź levaj partyi «Siryza» ŭdałosia pierakanać parłamientaryjaŭ, kab tyja ŭchvalili zakonaprajekt, choć pieršapačatkova Cypras vystupaŭ suprać mier žorstkaj ekanomii.
Dahetul Hrecyja nie mahła atrymać nastupny tranš finansavaj dapamohi ŭ pamiery 5 młrd jeŭra, bo adnoj z umoŭ jaho atrymańnia było skaračeńnie piensijnych vydatkaŭ.
U paniadziełak adbudziecca sustreča pradstaŭnikoŭ krain jeŭrahrupy, na jakoj buduć razhledać dalejšuju dapamohu Hrecyi.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary