Парламент Грэцыі прагаласаваў за пенсійную рэформу, нягледзячы на пратэсты
Парламент Грэцыі 8 мая прагаласаваў за законапраект, які прадугледжвае правядзенне пенсійнай рэформы і павышэнне падаткаў і які выклікаў шмат спрэчак.
Рэформа прадугледжвае скарачэнне некаторых пенсійных выплат, зліццё некалькіх пенсійных фондаў, павышэнне сацыяльных узносаў і падаткаў на сярэдні і высокі даход.
Законапраект на стадыі абмеркавання ужо выклікаў хвалю абурэння ў многіх грэкаў. На працягу двух дзён у краіне праходзілі усеагульныя забастоўкі, не дзейнічалі грамадскі транспарт і СМІ.
Аднак прэм'ер-міністру Алексісу Цыпрасу з левай партыі «Сірыза» ўдалося пераканаць парламентарыяў, каб тыя ўхвалілі законапраект, хоць першапачаткова Цыпрас выступаў супраць мер жорсткай эканоміі.
Дагэтуль Грэцыя не магла атрымаць наступны транш фінансавай дапамогі ў памеры 5 млрд еўра, бо адной з умоў яго атрымання было скарачэнне пенсійных выдаткаў.
У панядзелак адбудзецца сустрэча прадстаўнікоў краін еўрагрупы, на якой будуць разгледаць далейшую дапамогу Грэцыі.
Цяпер чытаюць
У Кіеве за шпіянаж арыштавалі беларускую журналістку Іну Кардаш. Кажуць, з 2015 года яна працавала на КДБ10
Каментары