Śpikier nižniaj pałaty parłamienty Brazilii Vałdzir Marańja admianiŭ vyniki hałasavańnia pa impičmientu prezidentu krainy Dyłmie Rusief.
Svajo rašeńnie Marańja patłumačyŭ tym, što hałasavańnie 17 krasavika było praviedziena z pracesualnymi parušeńniami. Pavodle jaho, deputaty nie pavinny byli da hałasavańnia zajaŭlać pra svajo rašeńnie, a lidery partyj — raić deputatam, jak lepš prahałasavać.
Jon zajaviŭ, što moža być praviedziena jašče adno hałasavańnie.
U krasaviku brazilski parłamient padtrymaŭ impičmient Rusief: za heta rašeńnie prahałasavała dźvie traciny deputataŭ, što źjaŭlajecca nieabchodnaj umovaj dla adstaŭki.
U sieradu pavinna było prajści ahulnaje hałasavańnie sienata pa hetym pytańni. Rašeńnie śpikiera faktyčna admianiaje heta hałasavańnie.
Pakul nie jasna, ci moža viarchoŭny sud krainy admianić rašeńnie śpikiera.
Marańja vystupaŭ suprać impičmientu Rusief. Pry hetym Prahresiŭnaja partyja, u jakuju jon uvachodziŭ, padtrymała adstaŭku prezidenta.
Palityčny kryzis u Brazilii doŭžycca ŭžo niekalki miesiacaŭ. Rusief abvinavačvajuć va ŭtojvańni infarmacyi pra deficyt biudžetu napiaredadni prezidenckich vybaraŭ 2014 hoda. Sama Rusief zajaŭlaje, što jana nie vinavataja, a svaich supiernikaŭ abvinavačvaje ŭ palityčnym machlarstvie.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary