Biznesoviec-uciakač Juryj Aviarjanaŭ pradaje pałac u Kryžoŭcy za $2 miljony?
Dniami ŭ «Narodnuju volu» patelefanavaŭ čytač i paviedamiŭ: u toj čas jak bankaŭskaja zapazyčanaść kampanii «Rostem», uładalnikam jakoj źjaŭlajecca biznesmien Juryj Aviarjanaŭ, dasiahnuła 37 miljonaŭ dalaraŭ, nie na ŭsiu jaho majomaść nakładzieny aryšt.
— Što kankretna vy majecie na ŭvazie? — spytali my.
— Pałac u Kryžoŭcy, što pad Minskam.
— Pałac ci zvyčajny dačny dom?
— Jaki dačny dom!.. Samy sapraŭdny pałac ahulnaj płoščaj pad 900 kvadratnych mietraŭ.
— A kali hety pałac, jak vy nazyvajecie, zapisany nie na Aviarjanava, a, skažam, na kaho-niebudź ź jaho svajakoŭ?
— Jaki prosty svajak moža pabudavać takuju machinu? — nie sunimaŭsia naš surazmoŭca. I dadaŭ: — Viedajecie, za jakuju sumu jon pradajecca? Za 2 miljony dalaraŭ.
Na takuju ašałamlalnuju infarmacyju žurnalisty «Narodnaj Voli» nie mahli nie adreahavać. Spytaŭšy ŭ ananimnaha abanienta, dzie u Kryžoŭcy raźmiaščajecca «pałac Aviarjanova», my adpravilisia pa ŭkazanym adrasie. Pieršaja sustreča — z achoŭnikami. Prykinuŭšysia pakupnikami darahoj nieruchomaści, spytali:
— Skažycie, kali łaska: dom, jaki vy achoŭvajecie, pradajecca?
— Tak, pradajecca.
— A možna pahladzieć, što jon ź siabie ŭjaŭlaje?
— Voś chutka pryjedzie haspadynia z-za miažy, tady i źviartajciesia…
— Ale my chacieli b zirnuć siońnia.
— Heta niemahčyma.
Bramka, umantavanaja ŭ sucelny vysačezny płot, začynilisia, a pierad nami paŭstała pytańnie: jak sfatahrafavać «pałac Aviarjanava», pra jaki my daviedalisia sa zvanka čytača haziety? Nie budziem raskryvać sakret, jak heta nam usio ž udałosia zrabić, ale pierad vami, prychilniki «Narodnaj voli», zdymak taho samaha abjekta, pra jaki nam raspavioŭ telefonny surazmoŭca. Miarkujučy pa vonkavym vyhladzie, jon sapraŭdy ciahnie na 2 miljony dalaraŭ. Tolki dzie znajści takoha pakupnika?
Kali pałac i nasamreč naležyć Juryju Aviarjanavu, to jaho prodaž naŭrad ci vyrašyć usie jaho prablemy. Viadoma, što niadaŭna inicyjavana pracedura pryznańnia ekanamičnaj niepłaciežazdolnaści (bankructva) hrupy kampanij Juryja Aviarjanava. Pierad bankami staić zadača spahnać ź jaho nie 2, a ŭsie 37 miljonaŭ dalaraŭ.
Kamientary