Na «Słavianskim bazary» biełaruski ŭdzielnik budzie śpiavać pa-biełarusku
Alaksiej Hros, jaki sioleta ŭ lipieni budzie pradstaŭlać Biełaruś na muzyčnym fiestyvali «Słavianski bazar u Viciebsku» abraŭ try konkursnyja pieśni dla vykanańnia.
Alaksiej prapanoŭvaŭ biełarusam abrać pieśniu kalektyŭna. Za dva miesiacy na adras śpievaka pryjšli 72 prapanovy. Kamanda śpiavak i sam Alaksiej spynilisia na prapanovie Taćciany Kavalenka z Homiela. Jana prapanavała praśpiavać pieśniu 1978 hoda, Uładzimira Mulavina pad nazvaj «Oj, doždžyk idzie». Vykonvaŭ pieśniu Valeryj Dajneka.
U internecie ŭžo źjaviłasia vykanańnie Alaksiejem hetaj pieśni u novaj aranžyroŭcy:
«My ŭziali hetuju pieśniu ŭ raspracoŭku. Loša chacieŭ kab na jubilejnym «Słavianskim bazary» pieśnia była na biełaruskaj movie i, pry mahčymaści, Uładzimira Mulavina. Ale nie chaciełasia brać usim viadomuju «Malitvu», ci «Kasiŭ Jaś kaniušynu». «Oj, doždžyk idzie» pieśnia davoli małaviadomaja i niezvyčajnaja», - raspaviała kamanda śpiavaka.
Hetaja pieśnia budzie vykonvacca ŭ pieršy konkursny dzień. U druhi Alaksiej Hros vykanaje pieśniu biełaruskaha śpievaka Piatra Jałfimava «Ja chaču». Pakolki pieśnia bolš rok-kirunku, dla miłahučnaści pieśnia budzie vykananaja ŭ akustyčnaj viersii, ale z dapamohaj arkiestru.
Nahadajem, raniej Alaksiej Hros u jakaści suśvietnaha chitu abraŭ pieśniu «A Song for You» — Leona Raseła, jakuju raniej pierapiavała Kryścina Ahilera. Ale abraŭšy pieršyja dźvie pieśni, kamanda vyrašyła źmianić pieśniu Raseła na Bon Džovi — «It`s my lfe».
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary