RNBA zaćvierdziła Stratehičny abaronny biuleteń. Ukraina pačynaje realnuju pierabudovu siektara abarony i biaśpieki dla ŭstupleńnia ŭ NATA.
Pra heta paviedamlaje pres-słužba prezidenta Ukrainy.
«Prapanavany prajekt źjaŭlajecca faktyčnym pačatkam realnaj pierabudovy siektara abarony i biaśpieki dla ŭstupleńnia ŭ NATA. Heta nie aznačaje, što ciapier prymajecca rašeńnie ab ustupleńni. Biezumoŭna, my zastajomsia ŭ śfiery našych mižnarodnych abaviazacielstvaŭ, ale heta toj rubikon, jaki pierachodziać ukrainskija US i siektar abarony i biaśpieki dla kančatkovaha pieravodu na standarty NATA», — zajaviŭ Parašenka.
Pavodle jaho słoŭ, vynikam vajennaj reformy pavinna stać stvareńnie pa pryncypach i standartach NATA vielmi dobra asnaščanych sučasnym uzbrajeńniem, technikaj, abjadnanych sił abarony.
Jak śviedčać vyniki apytańnia, ustupleńnie Ukrainy ŭ NATA padtrymlivajuć 44% ukraincaŭ. Suprać vystupajuć 27%, jašče 11% zajavili, što nie prymali b udziełu ŭ refierendumie pa hetym pytańni naohuł. 18% apytanych nie mohuć adkazać.
Kamientary