Lidar ŁDPR RF Uładzimir Žyrynoŭski prapanavaŭ pakazalna dla Zachadu nanieści jadzierny ŭdar pa krainie z nasielnictvam u 200 tysiač čałaviek, kab Rasiju «nie bili pa mordzie i nie abstrelvali Danbas».
Pra heta jon skazaŭ napiaredadni pozna nočču ŭ efiry palityčnaha tok-šou «Voskriesnyj viečier» na prapahandysckim telekanale «Rasija-1».
«U Paŭnočnym mory jość vostraŭ, maleńkaja kraina — 200 tysiač nasielnictva. Brusielu skazać: voś vostraŭ, bačycie, a ciapier niama vostrava, krainy. Vy što chočacie, kab nas bili pa mordzie, kab Danbas abstrelvali?» — skazaŭ Žyrynoŭski.
«Treba pakazać, na što zdolnyja našy jadziernyja siły», — padkreśliŭ jon.
Jon pierakanany, što Zachad pahadziŭsia b na ŭsio, kali b rasijskaja armija padyšła da Kijeva.
«Nastupać treba i bicca pad Brusielem, pad Varšavaj, pad Prahaj… Vy ŭsio čakajecie, kali znoŭ abryniecca», — skazaŭ jon.
Žyrynoŭski ličyć, što treba rabić žorstkija zajavy, i ŭ jakaści prykładu pryvioŭ vykazvańnie rasijskaha cara Alaksandra III: «Usiu kaznu — na vajnu».
Pavodle jaho słoŭ, bazy NATA ŭsio bližej da Rasii, i moža nastupić «22 červienia».
Pry hetym jon zajaviŭ, što Zachadu pastajanna patrebnyja vajna i kanflikt.
«Amieryka — heta kraina, voś taki vyradak, jamu abaviazkova patrebien kanflikt, jany pryjšli ź pistaletam na čužyja ziemli, usich tam pierastralali…, im patrebnaja pastajannaja vajna i pastajannaje panavańnie», — śćviardžaje Žyrynoŭski.
Pry hetym jon zajaviŭ, što «chvorymi» byli Napaleon, Hitler i savieckija kamunisty, jakija chacieli panavańnia: «Usie, chto kaža pra panavańnie, pra toje, što my samyja lepšyja — heta niahodniki, miarzotniki, varjaty».
«My lepš za ŭsich, ale my im pahražajem, i jany hetaha nie chočuć, jany chočuć, kab uvieś śviet byŭ jak Afryka, jak Samali», — skazaŭ pry hetym Žyrynoŭski.
Jon vykazaŭ pierakanańnie, što ZŠA padkidvajuć «vuhalok» u Siryi, Jeŭropa «padpaliła» Ukrainu, a potym «padpalić» Biełaruś i Kazachstan.
-
68‑hadovuju biblijatekarku ź Biełarusi sudziać u Rasii za danaty Fondu Navalnaha
-
«Mnie stolki hadoŭ, jak Isusu Chrystu, kali jon pamior i ŭvaskros». Dzianis Kapuścin daŭ pieršaje intervju paśla insceniroŭki jahonaj śmierci
-
Danija abviaściła «karaleŭski zahad ab vykarystańni vojskaŭ» u Hrenłandyi dziejnym
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ2
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary