Ekśpierty amierykanskaj kampanii Stratfor śćviardžajuć, što siryjskaja avijabaza niepadalok ad pasielišča Cijas, jakaja vykarystoŭvajecca rasijskimi VKS, surjozna paciarpieła, jak miarkujecca, ad udaraŭ hrupoŭki «Isłamskaja dziaržava».
Na spadarožnikavych zdymkach bazy, pradastaŭlenych Stratfor u rasparadžeńnie Bi-bi-si, vidać abharełyja karkasy, jakija stajać u šerah na ŭźlotnaj pałasie, i ruiny budynka, jaki raźmiaščaŭsia na terytoryi bazy.
Pradstaŭnik rasijskaha minabarony Ihar Kanašenkaŭ zajaviŭ, što spalenaja technika zastałasia na aeradromie z času bajoŭ ź siryjskimi ŭradavymi siłami da pierachodu bazy ŭ rasparadžeńnie rasijskich vajskoŭcaŭ, a sami paviedamleńni ab napadzie džychadzistaŭ na rasijskich vajskoŭcaŭ ujaŭlajuć saboj nie što inšaje, jak prapahandu hrupoŭki «Isłamskaja dziaržava».
Na minułym tydni, paviedamlaje Stratfor, na rasijskaj bazie ŭ vyniku niekalkich uzharańniaŭ byli źniščanyja čatyry viertaloty i 20 hruzavikoŭ. Pa bazie ŭdaryli niekalki razoŭ, ličać u Stratfor.
Paraŭnoŭvajučy fatahrafii z bolš rańnimi zdymkami bazy Cijas, ekśpierty miarkujuć, što na ŭźlotnaj pałasie vidać karkasy viertalotaŭ Mi-24, a budynak raniej byŭ składam, ź jakoha jany zabiaśpiečvalisia.
Taksama na ŭźlotnaj pałasie vidać samalot Mih-25, jaki mierkavana naležyć siryjskim VPS.
Pieršyja paviedamleńni pra ŭdar pa bazie ŭ Cijasie zychodzili ad ahienctva Amak, viadomaha svaimi suviaziami ź ID. Adnak spadarožnikavyja zdymki Stratfor paćviardžajuć padrabiaznaści, pryviedzienyja bajevikami.
Ahienstva RIAN sa spasyłkaj na siryjskuju krynicu na aeradromie Cias paviedamlaje, što viertaloty na avijabazie byli paškodžanyja z pryčyny pažaru.
«Pryčyny pažaru nieviadomyja. Jon pačaŭsia pobač ź placoŭkaj, dzie znachodzilisia čatyry viertaloty. Pažarnyja mašyny nie mahli padjechać da krynicy ŭzharańnia z-za minamiotnaha abstrełu terarystaŭ. Połymia pierakinułasia na viertaloty», — raspavioŭ surazmoŭca ahienctva.
Pa słovach krynicy, zahinułych i paranienych u vyniku abstrełu nie było.
Viersija minabarony Rasii
Pa słovach Kanašenkava, usie rasijskija bajavyja viertaloty ŭ Siryi vykonvajuć płanavyja zadačy, strat siarod asabistaha składu niama.
«Nahadaju, što aŭtarstva čutak pra źniščeńnie padraździaleńnia rasijskich bajavych viertalotaŭ i dvuch dziasiatkaŭ hruzavikoŭ naležyć prapahandystam ID, jakija biespaśpiachova sprabavali pradać hetuju nibyta navinu kala 10 dzion tamu. Što tyčycca fotazdymkaŭ siryjskaj avijabazy, to spalenaja avija- i aŭtamabilnaja technika, a taksama šmatlikija varonki ad razryvu reaktyŭnych snaradaŭ, prysutničajuć tam užo nie pieršy miesiac», — skazaŭ Kanašenkaŭ.
Jon taksama dadaŭ, što spalenaja technika zastałasia na bazie paśla bajoŭ pamiž siryjskimi ŭradavymi vojskami i bajevikami.
«A kali adkinuć usiu liryku i kazać naŭprost, to, mabyć, raspaŭsiudžvańnie padobnaj infarmacyi i jość pasilny, u dvukośsi, układ u baraćbu ź mižnarodnym teraryzmam z boku našych partnioraŭ», — dadaŭ Kanašenkaŭ.
Ciapier čytajuć
Pobač z Łukašenkam na chakiei źjaviłasia novaja pryhažunia17
Kamientary