Lotčyca i narodny deputat Ukrainy Nadzieja Saŭčanka, asudžanaja ŭ Rasii na 22 hady źniavoleńnia, viarnułasia va Ukrainu.
Nadzieja Saŭčanka pa viartańni ŭ Kijeŭ vyjšła da žurnalistaŭ, jakija čakali jaje ŭ aeraporcie «Baryspal». Heta jaje pieršyja znosiny z presaj paśla viartańnia va Ukrainu.
«Ja chaču paprasić prabačeńnia va ŭsich maci, čyje dzieci nie viarnulisia», — skazała jana.
Vystup Saŭčanka byŭ vielmi emacyjnym. Ciapier jaje viazuć u Administracyju prezidenta Ukrainy, dzie čakajecca bryfinh.
14:58
«Priezidientśkij litak z Hierojem Ukrajini Nadijeiu Savčienko priziemlivsia! Vitajemo Nadiju na ridnij ziemli!», — napisaŭ Parašenka.
14:57
Nadzieja ŭžo patelefanavała maci, fota Alona Shkrum
Pucin padpisaŭ ukaz ab pamiłavańni Saŭčanka, skazaŭ Dźmitryj Piaskoŭ.
14:40
U «Baryspali» Nadzieju sustrakajuć siastra i maci, pryjechała taksama eks-premjer Julija Cimašenka. Saŭčanka była pieršym numaram u jaje partyi na vybarach.
Siastra Nadziei Viera Saŭčanka kaža, što nie viedaje, kudy paviazuć siastru, «ale dakładna nie ŭ SIZA», bo tady dobraachvotnickija bataljony jaje vyzvalać.
U 15:15 prezident Ukrainy zrobić aficyjnuju zajavu dla ŚMI.
***
U Rastovie-na-Donie Nadzieju Saŭčanka sustreli pres-sakratar prezidenta Ukrainy Śviatasłaŭ Cehołka i namieśnik śpikiera Viarchoŭnaj Rady Iryna Hieraščanka.
***
RBK paviedamlaje, što samalot, na borcie jakoha znachodziacca asudžanyja va Ukrainie Alaksandr Alaksandraŭ i Jaŭhien Jerafiejeŭ, lacić u Maskvu. Ich siońnia ranicaj pamiłavaŭ Parašenka, paśla čaho i zdaryŭsia mahčymym abmien na Saŭčanka.
Samalot z rasijskimi HRUšnikami pryziamliŭsia va «Unukavie».
***
Jak viadoma, ukrainskaja lotčyca Nadzieja Saŭčanka trapiła ŭ pałon bajevikoŭ u Łuhanskaj vobłaści 17 červienia 2014 u rajonie horada Ščaście.
Paśla šmatlikich dopytaŭ Saŭčanka niezakonna pieravieźli praź miažu z Rasijskaj Fiederacyjaj ź miaškom na hałavie. Da 30 červienia jaje trymali ŭ varoniežskim hateli «Jeŭra» pad achovaj uzbrojenych ludziej u maskach.
U RF nad Saŭčanka pačaŭsia sud, jaje abvinavačvali ŭ zabojstvie rasijskich žurnalistaŭ, niezakonnym pierasiačeńni miažy. Pry hetym abarona Saŭčanka na sudzie pryvodziła dokazy nievinavataści. 22 sakavika Daniecki sud Rastoŭskaj vobłaści RF prysudziŭ Nadzieju Saŭčanka da 22 hadoŭ źniavoleńnia ŭ kałonii ahulnaha režymu i štrafu ŭ 30 000 rasijskich rubloŭ.
U toj ža čas sud zaličyŭ ŭ termin Saŭčanka jaje znachodžańnie pad vartaj z 30 červienia 2014 hoda.
Kamientary