DAI aharadziła rovar chłopčyka paśla DTZ, a jaho ściahnuli na mietałałom
Na hetym tydni, 20 maja, u stalicy adbyłasia avaryja z 8-hadovym ravarystam, piša Onliner.by.
Zdareńnie zafiksavała sistema videanazirańnia na vulicy Maršała Łosika. Pakul dzicia razam z tatam znachodziłasia ŭ balnicy, historyja atrymała niečakany praciah.
Pra DTZ paviedamlali ŭ DAI: «37-hadovy kiroŭca aŭtamabila Peugeot, ruchajučysia pa vulicy Maršała Łosika, pry pavarocie naleva na prylehłuju terytoryju doma №28 pa zhadanaj vulicy nie sastupiŭ i ździejśniŭ najezd na 8-hadovaha ravarysta, jaki pierasiakaŭ prajeznuju častku ŭ žyłoj zonie pa linii tratuaraŭ».
Paśla avaryi, jak raspaviadaje baćka chłopčyka, DAI aharadziła złamany napałam rovar konusami. Dźmitryj ža pajechaŭ z synam u balnicu:
— Jon atrymaŭ udar pa dvuch zubach, tamu jamu pastavili kapu. Jašče ŭ jaho byli zašytyja vusny
Viarnuŭšysia na miesca DTZ, Dźmitryj rovara nie znajšoŭ. Inśpiektary, pa słovach mužčyny, taksama raźviali rukami.
— Ja tak razumieju, što DAI paviezła kiroŭcu na miedahlad, a potym viarnułasia na miesca, kali rovara ŭžo nie było, — dadaŭ baćka chłopčyka.
Dźmitryju daviałosia źviarnucca ŭ tavarystva ŭłaśnikaŭ, kab atrymać videa z kamier nazirańnia. Voś hety zapis: na im bačna, jak nieviadomy mužčyna padjechaŭ na mapiedzie i zabraŭ rovar.
— Susiedzi dali prykładny adras hetaha mužčyny: jon pa navakolli źbiraje mietałałom. Tak ja jaho i znajšoŭ. Jon patłumačyŭ, što ŭbačyŭ złamany rovar, pahladzieŭ pa bakach — nikoha niama… Nu, napeŭna, nikomu i nie patrebny. Usio viarnuŭ biez prablem i kanfliktaŭ, — adznačyŭ Dźmitryj.
Ciapier čytajuć
«Niejkaja Liza, jakoj 20 hadoŭ, sudzicca z Łukašenkam» — vialikaja hutarka z novaj vice-śpikierkaj KR Lizavietaj Prakopčyk13
Kamientary
[Zredahavana]