Paetyčnuju premiju imia Natalli Arsieńnievaj sioleta atrymaŭ Siarhiej Pryłucki
24 traŭnia ŭ Varšavie prajšła cyrymonija ŭručeńnia premii imia Natalli Arsieńnievaj — važnaj uznaharody ŭ halinie biełaruskaj paezii. Sioleta pieramožcam staŭ Siarhiej Pryłucki z knihaj «Ničoha niastrašnaha». Žury adznačyła jaho za «hołas čałaviečaj lubovi ŭ čas vajny i biesčałaviečnaści», piša Reform.news.
Zbornik składajecca z tryccaci vieršaŭ, jakija paet pačaŭ pisać va Ukrainie ŭ 2022 hodzie. Hetyja teksty adlustroŭvajuć žyćcio padčas vajny i źjaŭlajucca svojeasablivym dziońnikam akupacyi. Asobnaje miesca ŭ knizie zajmajuć listy da małoha syna, jakija dapamahajuć aŭtaru zachavać čałaviečnaść u žachlivych umovach.
Pryłucki ciapier słužyć va ŭkrainskim vojsku, tamu na cyrymonii zamiest jaho vystupiŭ Vital Ryžkoŭ, jaki i začytvaŭ jaho vieršy. Uznaharodu pieradali pradstaŭniku paeta.
U finał premii, akramia knihi Pryłuckaha, uvajšli:
- «Momant cišyni» (aŭtarka Nadzieja Amielčanka — udzieł ananimny);
- «Dzikaje palavańnie karala Stacha: Vieršy da opiery» Andreja Chadanoviča.
Žury premii sioleta ŭklučała viadomych litarataraŭ i daśledčykaŭ, siarod jakich Uljana Vieryna, Siarhiej Dubaviec i Hanna Šakiel. Uračystaść prajšła ŭ Biełaruskim moładzievym chabie, z udziełam muzyki Volhi Padhajskaj i mastački Anastasii Rydleŭskaj. Premiju arhanizujuć Biełaruski PEN i Sajuz biełaruskich piśmieńnikaŭ pry padtrymcy roznych kulturnych i dabračynnych fondaŭ.
Vydaviectva Gutenberg rychtuje kvaziantałohiju sučasnaj biełaruskaj prozy
Vyjšła kniha vieršaŭ Michała Aniempadystava — jość i raniej niedrukavanyja
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija
«My nikoli nie vierniemsia saboju raniejšymi». Vital Ryžkoŭ viarnuŭsia da tvorčaści i sabraŭ poŭnuju zału na paetyčny stendap
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ75
Kamientary