Hałoŭnym śledčym upraŭleńniem Śledčaha kamiteta RF pa Sankt-Pieciarburhu rasśledujecca kryminalnaja sprava ŭ dačynieńni da Aleha Biedniakova, 1971 hoda naradžeńnia. Jaho abvinavačvajuć u sieryi zhvałtavańniaŭ.
Śledčymi SK Rasii ŭstanoŭlena, što Biedniakoŭ z 2013-ha pa 2015 hod ździejśniŭ 8 napadaŭ na žančyn u Pieciarburhu. Pry hetym viadoma, što mnohija paciarpiełyja ad złačynstvaŭ, učynienych Biedniakovym, nie paviedamlali pra ich u pravaachoŭnyja orhany.
Znajści padazravanaha ŭ ździajśnieńni asabliva ciažkich złačynstvaŭ u adnosinach da žančyn, jaki na praciahu doŭhich hadoŭ dziejničaŭ na terytoryi dźviuch krain - Biełarusi i Rasiei - atrymałasia dziakujučy hienietyčnamu daśledavańniu, što pakazaŭ, što hienatyp złamyśnika supadaje z hienietyčnym profilem Biedniakova.
U kancy 2015 hoda ŭ chodzie čarhovaha vizitu da maci, jakaja pražyvaje ŭ Biełarusi, Biedniakoŭ byŭ zatrymany i zaklučany pad vartu. Supracoŭnikami Śledčaha kamiteta Respubliki Biełaruś ustanoŭlena, što mužčyna ździajśniaŭ złačynstvy seksualnaha charaktaru na terytoryi respubliki ŭ pieryjad z 1994-ha pa 2014 hod.
U praviadzieńni śledčych dziejańniaŭ ź Biedniakovym ŭ Respublicy Biełaruś pryniaŭ udzieł śledčy HSU SK Rasii pa Sankt-Pieciarburhu.
Rasijskimi śledčymi ŭstanoŭlena, što ŭ Sankt-Pieciarburhu Biedniakovym mahli być učynieny inšyja napadu na žančyn z metaj zhvałtavańnia, i nie ŭsie napady byli daviedzieny im da kanca pa roznych pryčynach. Akramia taho, u śledstva jość padstavy mierkavać, što Biedniakovym ździajśnialisia padobnyja złačynstvy ŭ 2007 hodzie na terytoryi Maskvy i Maskoŭskaj vobłaści, a ŭ 2014 hodzie - u Krasnadarskim krai.
Śledčyja prosiać usich paciarpiełych źviarnucca ŭ pravaabarončyja vorhany.
Ciapier čytajuć
Zahinuŭ biełaruski dobraachvotnik Vasil «Dzir» Rapicki11
Kamientary