Bolš za 30 iranskich studentaŭ, zatrymanych supracoŭnikami palicyi noravaŭ za parušeńnie maralnaha kodeksu krainy padčas vypusknoha śviata, atrymali pa 99 udaraŭ bizunom.
Jak zajaviŭ prakuror horada Kaźvin, maładyja ludzi raspačali imprezu, padčas jakoj «raśpivali ałkaholnyja napoi, tancavali i demanstravali haniebnyja pavodziny».
Pa słovach čynoŭnika, na dopyt, śledstva i sud syšło mienš za sutki, paśla čaho ŭsie maładyja ludzi byli prysudžanyja da ŭdaraŭ bizunom.
Raśpivańnie ałkaholnych napojaŭ i tancy mužčyn z žančynami zabaronienyja ŭ Iranie.
U supracoŭnikaŭ iranskaj palicyi noravaŭ «Hašt-e Eršad» majucca šyrokija paŭnamoctvy. Jany majuć prava nie tolki vynieści papiaredžańnie za parušeńnie isłamskaha kodeksa pavodzinaŭ, ale i nakłaści na parušalnikaŭ štraf abo pačać rasśledavańnie.
Kamientary