Lidara RHA «Pierśpiektyva» Anatola Šumčanku aštrafavali za ŭdzieł u akcyi na Dzień Voli
Staršyniu RHA «Pierśpiektyva» Anatola Šumčanku «aštrafavali na 30 bazavych vieličyń (6,3 młn. rubloŭ) za ŭdzieł u niesankcyjanavanym uładami mitynhu ŭ Dzień Voli 25 sakavika. Pra heta jamu paviedamili, dasłaŭšy adpaviednuju pastanovu suda Savieckaha rajona Minska.
Pry hetym, jak paviedamiŭ Šumčanka na svajoj staroncy ŭ «Fejsbuku», šancaŭ ŭdzielničać u sudzie ŭłady jamu nie pakinuli, dasłali pozvu na dzień paźniej samoha sudovaha pasiadžeńnia (sudovaja pozva z zaprašeńniem u sud na 24 maja pryjšła jamu pa pošcie 25 maja).
«Heta značyć naležnym čynam mnie paviedamlena nie było, jak treba, pad podpis, — zaznačyŭ Šumčanka. — Darečy, sam sud ličyć, što ŭsio naležnym čynam aformlena».
«Zatoje rašeńnie pa štrafu prynieśli jak naležyć, paštovym kur`ieram pad podpis», — paviedamiŭ lidar pradprymalnickaha ab`iadnańnia.
Rašeńnie ab štrafie vyniesła sudździa Savieckaha rajona Volha Dubanievič.
Hetuju pastanovu Šumčanka maje namier abskardzić, kab, pavodle jaho słoŭ, «jašče raz pakazać» biełaruskaje pravasudździe «va ŭsich farbach».
Nahadajem, Minharvykankam dazvoliŭ praviadzieńnie ŭ stalicy 25 sakavika akcyi z nahody Dnia Voli ŭ nastupnym farmacie: zbor udzielnikaŭ kala kinateatra «Kastryčnik», šeście pa vulicy Surhanava da płoščy Banhałor, mitynh u parku Družby narodaŭ. Adnak niekatoryja palityki i aktyvisty pierad pačatkam dazvolenaha šeścia pryniali ŭdzieł va ŭskładańni kvietak da pomnika Janku Kupału ŭ adnajmiennym skviery, praviali tam mitynh i prajšli kałonaj pa praśpiekcie Niezaležnaści da kinateatra «Kastryčnik», što nie było dazvolena Minharvykankamam.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam15
Kamientary