Z 2 červienia pamiž Minskam i Maładziečna pierastanuć chadzić «štadlery». Šviejcarskija elektryčki pierakinuć na bolš zapatrabavanyja kirunki, tłumačać u BČ.
Z zaŭtrašniaha dnia admieniać ciahniki rehijanalnych linij biznes-kłasa № 772 Maładziečna — Minsk adpraŭleńniem sa stancyi Maładziečna ŭ 6.37 (štodnia), № 774 Maładziečna — Minsk adpraŭleńniem sa stancyi Maładziečna ŭ 20.27 (pa niadzielach), № 773 Minsk — Maładziečna adpraŭleńniem sa stancyi Minsk u 18.58 (štodnia).
U listapadzie minułaha hoda šviejcarskija elektryčki z hetaj linii ŭžo zdymali, zamianiajučy ich prostymi elektraciahnikami. Tady, kažuć u BČ, pryčynaj byŭ płanavy ramont. Ciapier «štadlery» ź Minska na Maładziečna i nazad sychodziać z raskładu nazusim.
— Manitorynh pakazaŭ, što siaredniaja zapoŭnienaść hetaha ciahnika składała ad 27 da 30%. Tamu pryniali rašeńnie pieranakiravać dadzieny sastaŭ na bolš zapatrabavanyja kirunki, — patłumačyŭ namieśnik načalnika pasažyrskaj słužby BČ Siarhiej Mackievič.
«Štadlery» pieranakirujuć na liniju ŭ Baranavičy, Brest.
— Dadaduć na vychadnyja dni — na piatnicu, subotu, niadzielu. Tam vielmi vialiki popyt. Na mnohich kirunkach «štadlery» zapatrabavanyja bolš: na Brest, Babrujsk, Žłobin, Oršu, Baranavičy… Z Maładziečnam niejak nie skłałasia, — kaža Siarhiej Mackievič. — Hety ciahnik byŭ zapatrabavany chiba što pa paniadziełkach. Naohuł u kirunku Maładziečna ŭ nas kursirujuć 13 par ciahnikoŭ mižnarodnych i mižrehijanalnych linij i 19 par ciahnikoŭ rehijanalnych linij ekanamkłasa. Heta značyć, całkam dastatkova dla pieravozki pasažyraŭ.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary