U kazachstanskim horadzie Aktabe nieviadomyja abrabavali dźvie kramy sa zbrojaj i napali na vajskovuju častku. Hetuju infarmacyju Tengri News paćvierdziŭ pradstaŭnik MUS Ałmas Sadubajeŭ.
Pavodle apošnich źviestak, šeść čałaviek zahinuli, 10 paranienych.
«Jak miarkujecca, napadniki źjaŭlajucca radykalnymi prychilnikami nietradycyjnych relihijnych płyniaŭ», - cytuje Sadubajeva Tengri News. Pavodle jaho słoŭ, adzin napadnik byŭ zatrymany, adzin paranieny, troje byli zabityja, niekalkim atrymałasia schavacca.
U horadzie abjaŭleny režym antyterarystyčnaj apieracyi, zajaviŭ Sadubajeŭ.
Raniej pra zdareńnie sa spasyłkaj na vidavočcaŭ paviedamiła miascovaje vydańnie «Dyjapazon». Pa dadzienych sajta, paśla napadu na kramy sa zbrojaj nieviadomyja pasprabavali zachapić zakładnikaŭ u vajskovaj častcy, a taksama napali na adździeł palicyi.
Pa dadzienych miascovych ŚMI, palicyja pačała śpiecapieracyju ŭ troch rajonach horada. Paviedamlałasia, što palicyja rekamiendavała miascovym žycharam nie vychodzić z damoŭ, a naviedvalniki handlovych centraŭ byli evakujavanyja. Krynica ŭ miedycynskich słužbach raspaviała Tengri News ab 20 paciarpiełych.
Kamientary