Barak Abama padtrymaŭ Chiłary Klintan u baraćbie za pasadu prezidenta Złučanych Štataŭ. «Ja ź joj, ja natchniony i mnie nie cierpicca pačać pieradvybarčuju kampaniju razam z Chiłary», — havorycca ŭ raspaŭsiudžanym u čaćvier videazvarocie amierykanskaha lidara.
«Dziasiatki miljonaŭ amierykancaŭ užo padali svaje hałasy. Siońnia ja chaču dadać moj hołas», — skazaŭ Abama.
«Dla mianie — radaść i honar, što my z prezidentam Abamam paśla mnohich hadoŭ lutaj kankurencyi stali sapraŭdnymi siabrami», — adkazała na heta Klintan.
Pa vynikach praviedzienych u aŭtorak demakratyčnych prajmieryz u Ńju-Džersi Chiłary Klintan nabrała dastatkovuju kolkaść hałasoŭ delehataŭ partyjnaha źjezda, kab stać pieršaj u historyi žančynaj, naminavanaj adnoj z asnoŭnych partyj na post prezidenta ZŠA.
Jaje hałoŭny supiernik sienatar Bierni Sanders straciŭ navat tearetyčnyja šancy dahnać Chiłary Klintan pa kolkaści hałasoŭ delehataŭ. U sieradu Abama vykazaŭ nadzieju na toje, što Sanders u bližejšy čas pryznaje parazu, što dazvolić adnavić adzinstva ŭ šerahach Demakratyčnaj partyi.
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ5
Kamientary