ŚMI: Niekantralavanaja vaśmitonnaja kitajskaja stancyja moža zvalicca na Ziamlu
Zapuščanaja Kitajem u 2011 hodzie arbitalnaja stancyja «Ciańhun-1» pastupova sychodzić z arbity i moža zvalicca na Ziamlu ŭ niepradkazalnym miescy.
Da takoj vysnovy prychodziać niekatoryja naziralniki, jakija sočać za trajektoryjami kalaziamnych abjektaŭ pry dapamozie amatarskich teleskopaŭ i kamier, paviedamlaje «Hazieta.Ru» sa spasyłkaj na Space.com.
Takoha mierkavańnia prytrymlivajecca Tomas Dorman, jaki nieadnarazova sačyŭ za pralotami vaśmitonnaj stancyi, što z sakavika hetaha hoda straciła suviaź ź ziamloj. «Kali ja maju racyju, Kitaj budzie čakać da apošniaj chviliny, kab skazać śvietu, što ŭ ich prablema sa stancyjaj», — skazaŭ Dorman.
«Kali jaje abłomki ŭpaduć na nasielenuju terytoryju, heta budzie sapraŭdy nie najlepšy dzień… Imaviernaść małaja, ale časam takija rečy zdarajucca, tamu treba być napahatovie», — ličyć jon.
U sakaviku pradstaŭniki kitajskaha centra padrychtoŭki kasmanaŭtaŭ rastłumačyli, što strata telemietryi sa stancyjaj moža pryvieści da niekantralavanaha jaje sychodu z arbity ŭ budučyni. Na dumku Dona Čieena, ekśpierta vašynhtonskaha daśledčaha centra Heritage Foundation, vyklikaje padazreńnie toje, što kitajskija ŭłady tak i nie abviaścili mierkavanaje miesca i čas sychodu. «Heta moža kazać ab tym, što sychod z arbity budzie niekantralavanym», — ličyć ekśpiert.
Kamientary