Siońnia ranicaj pamior adzin z byłych uładalnikaŭ «Handlovaha doma «Ždanovičy» Michaił Prakapovič, paviedamlaje «Narodnaja Vola».
Ranicaj doma jon adčuŭ siabie kiepska, vyratavać jaho nie ŭdałosia.
Doŭhi čas Michaił byŭ namieśnikam u Jaŭhiena Šyhałava, jaki ŭznačalvaŭ HD «Ždanovičy». Nahadajem, što Jaŭhien Šyhałaŭ niekalki hadoŭ tamu pamior ad raku. Ułasna, pamierli ŭžo amal usie, chto stajaŭ la vytokaŭ stvareńnia HD «Ždanovičy».
«Historyja najbujniejšaha ŭ Biełarusi Handlovaha centra pačałasia ŭ 1993 hodzie: mienavita tady niekalki adnadumcaŭ vyrašyli arhanizavać niedaloka ad Minska sałon pa prodažy aŭtamabilaŭ, — raspaviadaŭ u svoj čas Jaŭhien Šyhałaŭ. — Heta była naša pieršaja handlovaje ŭstanova. Ad jaho i biare pačatak Handlovy centr «Ždanovičy». U mai 1994 hoda pryniata rašeńnie Minskaha rajvykankama, zhodna ź jakim adviedzienyja dadatkovyja ziamli pad budaŭnictva handlovaha horada. Pieršapačatkova heta była vuzkaja pałasa bałocistaj niziny (pamiž čyhunkaj i šašoj Minsk-Maładziečna). Pryjšłosia nasypać 6 mietraŭ hruntu, kab padniać jaje da prymalnaha ŭzroŭniu. Placoŭku zaasfaltavali — i pačaŭsia handal».
«Dla nas Handlovy centr «Ždanovičy» — heta bolš, čym prosta praca, kazali saŭładalniki HD «Ždanovičy». — Heta naša stvareńnie, heta ŭvasoblenyja ŭ spravu hady napružanaj pracy».
Michaił Kiryłavič Prakapovič kuryravaŭ usie pytańni, źviazanyja z budaŭnictvam na terytoryi HD «Ždanovičy». Pa adukacyi jon budaŭnik.
Darečy, Michaił Prakapovič — švahier Jaŭhiena Šyhałava, udava viadomaha biznesmiena — jaho rodnaja siastra.
Michaiłu Prakapoviču było 66 hadoŭ, u jaho jość syn — darečy, taksama Michaił, taksama zajmajecca biznesam.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary