Sud admianiŭ štraf Kastusiovu za ŭdzieł u akcyi na Dzień Voli i adpraviŭ spravu na pierahlad
Minski haradski sud 17 červienia admianiŭ rašeńnie suda Savieckaha rajona stalicy, jaki pryznaŭ namieśnika staršyni Partyi BNF Ryhora Kastusiova vinavatym va ŭdziele ŭ niesankcyjanavanym mitynhu 25 sakavika z nahody Dnia Voli i jaki aštrafavaŭ palityka 5 maja na 30 bazavych vieličyń (6,3 młn rubloŭ).
Jak paviedamiŭ Kastusioŭ, administracyjnaja sprava była adpraŭlenaja na pierahlad nazad u sud Savieckaha rajona, ale ŭžo inšamu sudździ. Minharsud, adznačyŭ Kastusioŭ, pryznaŭ słušnymi dovady ab parušeńniach pry razhladzie administracyjnaj spravy.
«Parušeńni byli vidavočnymi. Tak, supracoŭniki milicyi nakiravali na moj adras pozvu z patrabavańniem źjavicca va UUS Savieckaha rajona nie Kastusiovu, a Kaściarovu. Sam pratakoł taksama byŭ składzieny z parušeńniami: niemahčyma pračytać, kim jon składzieny, znoŭ napisana proźvišča Kaściaroŭ. Akramia taho, ja atrymaŭ pozvu ŭ toj dzień, kali adbyŭsia sud, pryčym jon pačaŭsia ŭ 10 hadzin, choć na poźvie značyŭsia čas 11.30», — paviedamiŭ palityk.
Kastusioŭ nahadaŭ, što byŭ adnym z arhanizataraŭ akcyi. «Na mnie visieŭ bedžyk z nadpisam «arhanizatar». Padčas akcyi ŭ moj adras nie pastupiła nivodnaj zaŭvahi», — skazaŭ jon.
Paŭtorny razhlad administracyjnaj spravy, paviedamiŭ Kastusioŭ, pavinien adbycca na praciahu dvuch miesiacaŭ.
Ciapier čytajuć
Zahinuŭ biełaruski dobraachvotnik Vasil «Dzir» Rapicki11
Kamientary