Prezident Balivii prapanavaŭ admovicca ad hryharyjanskaha kalendara
Prezident Balivii Eva Marales prapanavaŭ hramadzianam pierajści z hryharyjanskaha kalendara na sposab letaźličeńnia, jaki raniej vykarystoŭvali karennyja narody krainy.
U chodzie śviatkavańnia ajmarskaha Novaha hoda Marales zajaviŭ, što hryharyjanski kalandar zdajecca jamu «biazładnym».
Pa słovach prezidenta, Balivija pavinna «viarnuć svoj staražytny kalandar u ramkach adnaŭleńnia nacyjanalnaj identyčnaści».
Sam Eva Marales naležyć da karennaha narodu ajmara.
Heta ŭžo nie pieršy raz, kali balivijski ŭrad prapanuje pamianiać sposab vyličeńnia času.
Dva hady tamu hadzińnik na fasadzie budynka Kanhresa ŭ Ła-Pasie byŭ źmienieny takim čynam, što strełki byli paviernutyja ŭleva, a ličby išli ad 1 da 12 suprać hadzińnikavaj strełki.
5524 hod
Jak zajaviŭ u aŭtorak prezident Marales, kalandar karennych narodaŭ, dzie kožny miesiac składajecca z 28 dzion, a hod — z 13 miesiacaŭ, značna bolš «sparadkavany», čym hryharyjanski kalandar, dzie daŭžynia miesiaca moža varjiravacca ad 28 da 31 dnia.
21 červienia, dzień zimovaha soncastajańnia ŭ Paŭdniovym paŭšarji, ličycca kropkaj adliku ŭ kalendary karennych narodaŭ i aznačaje saboj pačatak novaha hoda.
U minuły aŭtorak mnohija žychary Balivii adśviatkavali nastupleńnie 5 524 hoda.
Hod raźličvajecca šlacham składańnia hadoŭ, jakija prajšli z dnia prybyćcia Chrystafora Kałumba ŭ Amieryku ŭ 1492 hodzie, i 5 tysiač hadoŭ, na praciahu jakich karennyja narody mierkavana nasialajuć hety rehijon.
Kamientary