U Kramli miarkujuć, što kiraŭnictva Vialikabrytanii pierahledzić padychody da adnosin z Rasijaj na fonie novych palityčnych umoŭ.
Pra heta paviedamlaje «Interfaks», spasyłajučysia na słovy pres-sakratara prezidenta Rasii Dźmitryja Piaskova.
«Spadziajemsia, što ŭ novych realijach usio ž taki razumieńnie nieabchodnaści vybudoŭvańnia dobrych stasunkaŭ z našaj krainaj pieramoža», - skazaŭ jon, adkazvajučy na pytańnie ab tym, jak vychad Vialikabrytanii ź Jeŭrasajuza adabjecca na rasiejska-brytanskich adnosinach.
Piaskoŭ zapeŭniŭ, što ŭ Rasii «vielmi niaprosty bahaž ź Vialikabrytanijaj», bo jon «vielmi bahaty tradycyjami», adnak ciapier jon «vielmi niaprosty».
«My nie zaŭsiody možam kanstatavać hatoŭnaść da kamunikacyi i supracoŭnictva našych brytanskich partnioraŭ», — adznačyŭ Piaskoŭ.
Pres-sakratar kiraŭnika dziaržavy dadaŭ, što prezident Rasii Uładzimir Pucin paźniej asobna prakamientuje «breksit».
Kamientary