Papa Francišak zaklikaŭ carkvu vybačycca pierad hiejami za raniejšaje staŭleńnie
Papa Francišak zajaviŭ, što Rymska-katalickaja carkva pavinna prasić prabačeńnia ŭ hiejaŭ za raniejšaje staŭleńnie da ich. Pantyfik znoŭ paŭtaryŭ svoj tezis «Chto ja taki, kab sudzić», ale ŭ krychu źmienienym vyhladzie.
Papa Rymski Francišak u niadzielu, 26 červienia, pa viartańni ź Jerevana, zajaviŭ žurnalistam, što Rymska-katalickaja carkva pavinna prasić prabačeńnia ŭ hiejaŭ za raniejšaje staŭleńnie da ich, paviedamlaje Reuters.
Adkaz prahučaŭ paśla taho, jak papie było zadadziena pytańnie, ci zhodny jon z vykazvańniami niamieckaha kardynała, što carkva pavinna paprasić prabačeńnia pierad hiejami. Pantyfik zaŭvažyŭ, što, zhodna z carkoŭnym vučeńniam, homaseksuały «nie pavinny padviarhacca dyskryminacyi. Da ich varta stavicca zhodna z pastyrskim pasłańniem».
«Ja dumaju, što carkva pavinna paprasić prabačeńnia nie tolki <…> pierad homaseksuałami, jakich jana kryŭdziła, ale taksama pavinna paprasić prabačeńnia pierad biednymi, a taksama pierad žančynami, jakija padviarhalisia ekspłuatacyi, i pierad dziećmi, jakich ekspłuatavali, [zmušajučy] pracavać. Jana [carkva] pavinna vybačycca za toje, što addavała chvału zbroi», — dadaŭ Papa Rymski.
Pantyfik taksama paŭtaryŭ, ale trochi ŭ źmienienym vyhladzie, raniej vykazany tezis «Chto ja taki, kab sudzić», skazany im padčas pieršaj zamiežnaj pajezdki paśla abrańnia ŭ 2013 hodzie.
«Kali čałaviek u takoj situacyi, i pry hetym u jaho dobraja vola, i jon šukaje Boha, chto my, kab sudzić?»
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary