Sustreča z adnym z samych viadomych dziejačaŭ biełaruskaj dyjaspary, doktaram Jankam Zaprudnikam, adbudziecca ŭ aŭtorak, 28 červienia, u Minskaj abłasnoj biblijatecy imia A. Puškina (vuł. Hikały, 4). Pačatak a 18-j.
Nahoda dla sustrečy – pryjezd sp. Janki na Radzimu napiaredadni jaho 90-hodździa i prezientacyja knihi «Kantakty», što niadaŭna ŭbačyła śviet u sieryi «Biblijateka «Baćkaŭščyny».
Vydańnie zasnavanaje na listach, što pisali biełarusy ź mietrapolii Janku Zaprudniku, i źjaŭlajecca svojeasablivym praciaham vydadzienaj u minułym hodzie knihi Janki Zaprudnika «Pa haračych śladach minuŭščyny. Listy 1952-1959 hh.».
Viadomyja daśledčyki emihracyi Natalla Hardzijenka i Lavon Jurevič, jakija zajmalisia ŭkładańniem «Kantaktaŭ», pracavali z tym samym archivam, tolki ź inšaha rakursu: ich metaj było pakazać, jak i dziela čaho biełarusy ź mietrapolii naładžvali kantakty ź biełarusami zamiežža.
Aproč hałoŭnaha hieroja knihi — doktara Janki Zaprudnika — vystupiać:
Hanna Zapartyka, dyrektar Biełaruskaha dziaržaŭnaha archiva-muzieja litaratury i mastactva;
Radzim Harecki, akademik NAN Biełarusi;
Adam Maldzis, litaraturaznaŭca, doktar fiłałahičnych navuk;
Lidzija Savik, litaraturaznaŭca, kandydat fiłałahičnych navuk;
Uładzimir Arłoŭ, historyk, piśmieńnik.
Valery Hierasimaŭ, zahadčyk adździeła staradrukaŭ i redkich vydańniaŭ Prezidenckaj biblijateki, namieśnik staršyni Rady «Baćkaŭščyny»
Maderatar sustrečy — Natalla Hardzijenka, kandydat histaryčnych navuk.
Padčas imprezy adbudziecca ŭračystaje ŭhanaravańnie pieramožcaŭ konkursu pracaŭ pra biełaruskaje zamiežža, jaki ładziŭsia Zhurtavańniem biełarusaŭ śvietu «Baćkaŭščyna» da svajho 25-hadovaha jubileju.
Pačatak imprezy 28 červienia ŭ 18:00.
Uvachod na mierapryjemstva volny.
Kamientary