Były mer Łondana Barys Džonsan zajaviŭ, što nie budzie vyłučać svaju kandydaturu na pasadu kiraŭnika Kansiervatyŭnaj partyi i premjer-ministra krainy.
Zajava Džonsana, jaki ličyŭsia adnym ź lidaraŭ kampanii ŭ padtrymku vychadu Vialikabrytanii ź Jeŭrasajuza, na fonie pośpiechu jakoj svaju adstaŭku anansavaŭ ciapierašni premjer Devid Kemieran, stała niečakanaściu. Bukmiekiery ličyli jaho favarytam u baraćbie za hetu pasadu.
Raniej u čaćvier ab vyłučeńni svajoj kandydatury na pasadu premjer-ministra abviaściŭ ministr justycyi Majkł Hoŭv. Jaho zajavu mnohija taksama ŭspryniali jak niečakanaść, tak jak Hoŭv ličyŭsia prychilnikam Džonsana.
Čakałasia, što Hoŭv padtrymaje kandydaturu byłoha mera Łondana. Adnak u čaćvier ministr justycyi zajaviŭ, što ličyć liderskija jakaści Džonsana niedastatkovymi dla vyrašeńnia stajać pierad Vialikabrytanijaj zadač.
Ab svaim vyłučeńni ŭ premjery taksama zajaviła ministr unutranych spraŭ Tereza Mej. U adroźnieńnie ad Džonsana i Hoŭva, jakija ahitavali za vychad ź Jeŭrasajuza. Jana była prychilnicaj zachavańnia členstva Vialikabrytanii ŭ ES.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary