Dyscyplinarny kamitet ABFF dyskvalifikavaŭ klučavoha hulca minskich «Krumkačoŭ» Filipa Ivanova na siem matčaŭ. Da jaho było užyty artykuł 69.4 Dyscyplinarnaha kodeksa — «Za naŭmysnaje naniasieńnie traŭmy sapierniku».
Havorka idzie pra epizod, jaki zdaryŭsia ŭ matčy 14-ha tura «Dynama» (Brest) — «Krumkačy».
U razhar pieršaj pałovy sustrečy pry liku 2:0 na karyść minčukoŭ Ivanoŭ u vierchavoj baraćbie raźbiŭ nos abaroncu bieraściejcaŭ Alaksandru Noviku, atrymaŭšy čyrvonuju kartku. Futbalista bresckaha «Dynama» pavieźli na chutkaj u balnicu. Tam u jaho byŭ dyjahnastavany adkryty pierałom nosa.
«Krumkačy» majuć prava na apielacyju ŭ 10-dzionny termin.
«Krumkačy» taksama chadajničali ab asabistaj prysutnaści futbalista i pradstaŭnika kłuba na pasiadžeńni, adnak prośba zadavolenaja nie była.
Adrazu paśla zakančeńnia sustrečy Ivanoŭ prynios prabačeńni sapierniku: «Chaču paprasić prabačeńnia u Sani Novika. Byŭ hulniavy momant, nijakaha złoha namieru. Takija sutyki byvajuć, heta futboł. Sumna, što tak adbyłosia. Jašče raz vybačajusia pierad Sašam i zyču jamu chutčejšaha vyzdaraŭleńnia».
Paciarpieły, u svaju čarhu, paviedamiŭ, što zła na kryŭdziciela nie trymaje, bo byŭ «prosty hulniavy momant».
Siońnia «Krumkačy» u matčy 15-ha tura zhulajuć z «Mienskam». Pačatak pajadynku, jaki projdzie na stadyjonie FK «Minsk» — u 18.30.
Ciapier čytajuć
«Biełarusy dastatkova mudryja, kab čakać». Sieviaryniec vystupiŭ u Vilni3
Kamientary