Makiej nakont raźmiaščeńnia avijabazy: «Naša pazicyja ŭ hetym płanie nie źmianiłasia»
Pazycyja Biełarusi adnosna raźmiaščeńnia na terytoryi krainy rasiejskaj avijabazy nie źmianiłasia. Pra heta ministar zamiežnych spraŭ Biełarusi Uładzimier Makiej zajaviŭ 7 lipienia ŭ Ryzie.
«Ja chacieŭ by skazać, što pa pytańni ab raźmiaščeńni dadatkovych vajskovych baz na terytoryi Biełarusi i prezydent Biełarusi vykazaŭsia niekatory čas tamu kankretna i adnaznačna, i byli inšyja aficyjnyja zajavy biełaruskaha boku na inšych uzroŭniach. Naša pazycyja ŭ hetym planie nie źmianiłasia», — cytuje BiełTA Makieja.
Pavodle Makieja, Biełaruś budzie staranna analizavać sytuacyju, jakaja składvajecca ŭ rehijonie.
«I my budziem, naturalna, rabić adekvatnyja miery reahavańnia. Ale, jašče raz paŭtarusia, my nie zacikaŭlenyja ŭ tym, kab niejkija kroki, jakija budzie pradprymać Biełaruś u vajennaj sfery, spryjali dalejšamu nahniatańniu vajennaj napružanaści ŭ našym rehijonie i ŭ cełym na eŭrapiejskim kantynencie. My nie zacikaŭlenyja ŭ tym, kab stvaralisia novyja raździalalnyja linii ŭ Eŭropie», — skazaŭ Makiej.
Raniej kiraŭnik Biełarusi Alaksandar Łukašenka zajaviŭ, što raźmiaščeńnie rasiejskaj vajennaj avijabazy na biełaruskaj terytoryi z vajennaha punktu hledžańnia nie patrebna ni Miensku, ni Maskvie. Jon adznačyŭ, što ŭ vypadku raźmiaščeńnia rasiejskaj bazy na biełaruskaj terytoryi Biełaruś, jak i Rasieja, budzie mieć bolš minusaŭ, čym plusaŭ.
U krasaviku hetaha hodu Ŭładzimier Makiej zajaviŭ žurnalistam, što ciapier niama sensu abmiarkoŭvać pytańnie raźmiaščeńnia rasiejskaj vajskovaj bazy na terytoryi Biełarusi.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary