MZS: Biełaruś vystupaje za naŭprosty, biez pasrednikaŭ, dyjałoh z usimi partniorami, u tym liku NATA
Biełaruś zaŭsiody vystupała i vystupaje za naŭprosty, biez pasrednikaŭ, dyjałoh z usimi partniorami, u tym liku NATA, zychodziačy sa svaich nacyjanalnych intaresaŭ i na asnovie ŭzajemnaj pavahi.
Pra heta havorycca ŭ kamientaryi načalnika ŭpraŭleńnia infarmacyi — načalnika adździeła pres-słužby MZS Maryi Vańšynaj z nahody vykazvańnia ministra zamiežnych spraŭ Polščy Vitalda Vaščykoŭskaha.
Na pres-kanfierencyi ŭ Varšavie 8 lipienia kiraŭnik polskaha MZS zajaviŭ pra hatoŭnaść Polščy ihrać rolu partniora i pasrednika, jaki nabliziŭ by Biełaruś da supracoŭnictva z NATA. Jon padkreśliŭ, što aljans adkryty dla supracoŭnictva ź Biełaruśsiu.
«Nahadaju taksama pra toje, što najvažniejšym pryncypam źniešniaj palityki Biełarusi źjaŭlajecca padtrymańnie i dalejšaje ŭmacavańnie siabroŭskich i dobrasusiedskich adnosin z krainami-susiedziami pa ŭsim pierymietry našych hranic, — adznačyła Vańšyna. — My adkrytyja da dalejšaha raźvićcia supracoŭnictva z Polščaj, jakaja, akramia ŭsiaho inšaha, tradycyjna ŭvachodzić u pieršuju dziasiatku handlovych partnioraŭ i inviestaraŭ Biełarusi».
«Kali ž kazać ab uzajemadziejańni z Arhanizacyjaj Paŭnočnaatłantyčnaha dahavora, to tut niama alternatyvy adkrytamu, ščyramu dyjałohu pamiž usimi zacikaŭlenymi bakami na našym kantyniencie ŭ intaresach miru i stabilnaści. My vystupajem za kanstruktyŭnaje ŭzajemadziejańnie pamiž NATA i Biełaruśsiu, NATA i Rasijaj, pamiž usimi intehracyjnymi (jak ekanamičnymi, tak i vajenna-palityčnymi) błokami, u metach sumiesnaha reahavańnia na mnohija vykliki rehijanalnaj biaśpieki», — adznačyła Maryja Vańšyna.
Pry hetym jana padkreśliła, što Biełaruś «adnaznačna vystupaje suprać nahniatańnia vajennaj napružanaści ŭ našym rehijonie, suprać taho, kab stvaralisia novyja raździalalnyja linii ŭ Jeŭropie».
Aryštavany 75‑hadovy Źmicier Sańko — vieteran-vydaviec3
Kamientary