Rašeńnie pryniataje: NATA vyšle 4 bataljony ŭ krainy Bałtyi i Polšču
NATA vyšle čatyry bataljony vojskaŭ sajuźnikaŭ u krainy Bałtyi i Polšču. Takoje rašeńnie pryniali lidary krain NATA na samicie ŭ Varšavie. Rašeńnie ahučyŭ hienieralny sakratar NATA Jens Stołtenbierh.
Jon taksama paviedamiŭ, što NATA i ZŠA buduć adkazvać za bataljon u Polščy, Hiermanija — za bataljon u Litvie, Kanada — u Łatvii, Vialikabrytanija - u Estonii.
Zhodna z rašeńniem, usio bataljony pavinny być šmatnacyjanalnymi, heta značyć, što jany buduć uklučać u siabie sałdat ź inšych krain.
U ahulnaj składanaści, u pačatku 2017 hoda va ŭschodniuju Jeŭropu vyšluć 4000 sałdat. Vajskovaja prysutnaść u Polščy i ŭ krainach Bałtyi nie budzie abmiežavana ŭ časie, ale skład vojskaŭ budzie mianiacca kožnyja 6-9 miesiacaŭ.
Kiraŭnik Aljansu Jens Stołtenbierh padkreśliŭ, što padobnyja dziejańni nosiać abarončy charaktar i NATA nie choča kanfrantacyi z Rasijaj ci viartańnia da chałodnaj vajny
Na samicie taksama było pryniata rašeńnie ab pieradačy NATA kiravańnia kampanientami amierykanskaj sistemy PRA, zaradžanaj rakietami viersii SM-3 (Aegis Ashore) i raźmieščanaj u Rumynii.
Stołtenbierh padkreśliŭ, što hety rakietny ščyt zmoža reahavać na pahrozy, jakija ŭźnikajuć za miežami Jeŭropy.
Kamientary