Ukrainskaja palicyja atrymaje 650 patrulnych aŭtamabilaŭ, jakija buduć zaradžacca ad razietak FOTY
Ukrainskaja patrulnaja palicyja atrymaje 651 hibrydny krasovier Mitsubishi Outlander PHEV (Plug-in Hybrid Electric) z mahčymaściu padzaradki ad elektrasietki. Usie aŭto buduć 2016 hoda vypusku. Siońnia ŭ MUS pradstavili pieršy palicejski Mitsubishi Outlander. Čym ža jon budzie adroźnivacca ad hramadzianskich aŭtamabilaŭ?
Jak paviedamiŭ ministr MUS Arsien Avakaŭ, prapanavanaja madel daŭkamplektavanaja racyjaj, videarehistrataram, probliskavymi majačkami i sistemami zaradki akumulataraŭ.
U astatnim jana nie adroźnivajecca ad hibrydnych Outlander PHEV, jakija pastaŭlajucca na rynki inšych krain. Ale voś sama hibrydnaja viersija davoli cikavaja. Jak adznačaje AUTO-Consulting, da hetaha času va Ukrainie Mitsubishi Outlander PHEV aficyjna pradstaŭleny nie byŭ. Heta faktyčna, jaho debiut u hetaj krainie.
Heta nie prosta bienza-elektryčnaja madel, jakaja zaradžajecca padčas tarmažeńniaŭ abo ruchu nakatam, a hetak zvanaja PHEV (Plug-in Hybrid Electric), jakaja maje mahčymaść padzaradki nie tolki padčas ruchu, ale i ad elektrasietki. Dziakujučy bolš jomistym akumulataram, jana vałodaje bolš vialikim zapasam chodu na elektraciazie, čym hibrydnyja Toyota Prius, jakija vykarystoŭvajucca ŭ palicyi.
Sami pa sabie hibrydnyja Outlander — daloka nie tannaje zadavalnieńnie. Pa słovach Arsiena Avakava košt adnaho krasoviera prykładna $53000 i pa hetaj pryčynie aficyjnyja dylery tak i nie ryzyknuli pačać ich roźničny prodaž. Ale palicyja ich atrymaje ŭ miežach pazabiudžetnaj prahramy, u košt apłaty kvoty pa Kijockim pratakole.
Pa słovach Avakava: «Nacpalicyja atrymaje, zhodna z rašeńniem Kabinieta ministraŭ — 651 (a moža i bolš pa vynikach publičnaj pieramoŭnaj pracedury) hibrydny aŭtamabil z raschodam 2 litry bienzinu na 100 km. Vykarystańnie hetych cudoŭnych sučasnych aŭtamabilaŭ u ekspłuatacyi dazvolić zekanomić na palivie 330 młn. hrn. (BYN 26 598 000 albo $ 13 339 017). I heta akramia istotnaha skaračeńnia abjomu vychłapnych hazaŭ. Za hetyja srodki možna nabyć jašče kala 250 takich aŭto».
Jak tolki Nacyjanalnaja palicyja zaćvierdzić nieabchodnuju kamplektacyju, budzie praviedziena pracedura chutkaha prazrystaha tendaru.
«Hetaja pracedura budzie dastatkova chutkaj i prazrystaj», — adznačyŭ Avakaŭ.
U svaju čarhu, kiraŭnik Nacyjanalnaj palicyi Ukrainy Chacija Dekanaidze adznačyła, što takija mašyny buduć važnymi dla pryfrantavoj linii i zony ATO.
Aŭtamabili buduć raźmierkavany Nacpalicyjaj padraździaleńniam pa ŭsioj terytoryi Ukrainy.
Kamientary