Zbornuju Biełarusi pa viesłavańni dyskvalifikavali za dopinh, Minsk pratestuje
Mužčynskuju zbornuju Biełarusi pa viesłavańni na bajdarkach i kanoe dyskvalifikavali za parušeńnie dopinhavych praviłaŭ i, kali ničoha nie źmienicca, jana nie vystupić na Alimpijskich hulniach u Rya-de-Žaniejra. Minsportu i NAK vystupili z sumiesnaj zajavaj.
Unačy16 lipienia było atrymana paviedamleńnie, što vykanaŭčy kamitet Mižnarodnaj fiederacyi kanoe (ICF) adchilaje mužčynskuju kamandu Biełarusi pa viesłavańni na bajdarkach i kanoe, uklučajučy trenieraŭ, miedycynski i servis-piersanał, ad mižnarodnych spabornictvaŭ terminam na adzin hod.
U suviazi z hetym NAK i Minsportu zajaŭlajuć, što rašeńnie vykankama ICF, pryniataje z pryčyny palicejskaha pieratrusu ŭ biełaruskaj kamandie ŭ chodzie trenirovačnaha zboru ŭ Tampl-siur-Ło (12 krasavika 2016 hoda), absalutna «ničym nie abhruntavana i vyniesiena na padstavie nadumanaha».
«Nivodnamu z členaŭ nacyjanalnaj kamandy da hetaha času nie pradjaŭlena nijakich abvinavačvańniaŭ, pasiadžeńniaŭ suda nie było, vina spartoŭcaŭ i trenieraŭ nie vyśvietlenaja, pryncyp prezumpcyi nievinavataści hruba parušany», - padkreślivajecca ŭ zajavie.
NAK i Minsportu ličać, što členy vykankama ICF «vidavočna śviadoma zaciahvali vyniasieńnie hetaha rašeńnia, viedajučy, što termin aficyjnaj zajaŭki dla ŭdziełu ŭ Alimpijadzie-2016 minaje 18 lipienia, času na abskardžańnie i abaronu zakonnych intaresaŭ spartsmienaŭ nie budzie».
Biełaruski bok «padrychtavaŭ aficyjny zvarot u spartyŭny arbitražny sud u Łazanie, jaki z ulikam pracoŭnaha hrafika dadzienaj instancyi budzie pieradadzieny tudy tolki ranicaj 18 lipienia». Užo sfarmiravany adpaviedny pakiet, kudy ŭklučany ŭsie nieabchodnyja dakumienty, u tym liku piersanalna ad spartsmienaŭ.
«Mietady, jakija vykarystoŭvajucca napiaredadni Alimpijady pa likvidacyi viadučych spartsmienaŭ ad baraćby za ŭznaharody, vyklikajuć ździŭleńnie. Za imi prahladajecca nievykanańnie pryncypaŭ sumlennaj baraćby, łabiravańnie asabistych intaresaŭ i karupcyjny padychod», - pierakananyja ŭ biełaruskich spartyŭnych viedamstvach.
Zaraz NAK pravodzić pieramovy i kansultacyi z kiraŭnictvam i členami Mižnarodnaha alimpijskaha kamiteta.
«Biełaruski bok zajaŭlaje, što pakidaje za zaboj prava na samyja rašučyja dziejańni ŭ suviazi z zapłanavanym u lipieni hetaha hoda ŭ Minsku čempijanatam śvietu pa viesłavańni na bajdarkach i kanoe siarod junijoraŭ (da 18) i moładzi (da 23 hadoŭ)», - padkreślivajecca ŭ zajavie.
18 lipienia ŭ NAK projdzie pres-kanfierencyja na hetuju temu.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2828
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary