Na miescy vybuchu mašyny z Šaramietam «pa voli vypadku» akazałasia zdymačnaja hrupa prarasijskaha telekanała
Piša ŭkrainski žurnalist i televiadoŭca Vital Portnikaŭ.
Adzinaje, što abjadnoŭvaje Buzinu i Šaramieta — viadomaść u rasijskaj aŭdytoryi.
Zdymačnaja hrupa 17 telekanała «pa voli vypadku» apynułasia na miescy hibieli žurnalista Paŭła Šaramieta amal u momant zdareńnia — i pa dabryni dušeŭnaj hatova dzialicca kadrami z usimi achvotnymi.
Heta dziŭnaje supadzieńnie nahadała mnie pra ŭłasny niepryjemny dośvied časoŭ Majdana. Tady zdymačnaja hrupa 112 telekanała taksama pa voli vypadku apynułasia pad voknami majho doma ŭ momant, kali «cituški» pravodzili tam pikiet. Kaleham prosta nie pašancavała — mianie nie ŭzarvali.
Hetyja ŭspaminy pra padobnuju rolu dvuch telekanałaŭ, čyj paradak dnia dziŭna supadaje z paradkam dnia susiedniaj dziaržavy, našturchnuła mianie na inšuju paralel — pra dziŭnaje padabienstva zabojstvaŭ Alesia Buziny i Paŭła Šaramieta.
Zdavałasia b, zusim roznyja ludzi — z roznym losam, palityčnymi pohladami, kołami znosin. Z całkam roznym staŭleńniem da Ukrainy i jaje budučyni. Adzinaje, što ich abjadnoŭvaje — heta viadomaść u rasijskaj aŭdytoryi.
Aleś u apošnija hady žyćcia naohuł nie vyłaziŭ z rasijskich teleefiraŭ, pry hetym zaŭsiody pradstaŭlaŭsia tam u jakaści ŭkrainskaha piśmieńnika i publicysta. Pavieł pravioŭ u rasijskim teleefiry kudy bolš času, čym va ŭkrainskim. I kali rasijskija aficyjnyja asoby i prapahandysty kažuć pra jaho śmierć — aŭdytoryja dakładna razumieje, pra kaho idzie havorka.
Tamu Maša Zacharava całkam maje racyju, kali kaža što Ukraina — jak, zrešty, i Rasija — pieratvarajecca ŭ brackuju mahiłu žurnalistaŭ.
Prosta dałakopy adny i tyja ž. Pa voli vypadku.
Kamientary