Niezvyčajny vyhlad zajmieŭ fantan u hrodzienskim parku Žylibiera pry kancy minułaha tydnia. Jak piša «Viečiernij Hrodno», niechta dadaŭ u fantan myjny srodak. U vyniku jaho čaša chutka napoŭniłasia pienaj.
U «Harśviatle» kažuć, što vybirać pienu z fantana daviałosia kala paŭhadziny. Jaje vykidali prosta na travu.
Niavinny žart moh doraha abyścisia arhanizacyi, jakaja absłuhoŭvaje fantan. Śpiecyjalisty adznačajuć, što myjny srodak moža vyvieści z ładu abstalavańnie fantana. Miž tym novy ruchavik dla jaho kaštuje kala 3,5 tysiačy jeŭra.
«Viečiernij Hrodno» adznačaje, što fantan u parku Žylibiera sioleta ŭpieršyniu paciarpieŭ ad takich žartaŭnikoŭ. Raniej ich uvahu pryciahvaŭ fantan na Savieckaj płoščy.
Kamientary