Makułaturu i vykarystanyja batarejki ŭ Breście abmianiajuć na sadavinu
Žycharam Bresta prapanujuć 29 lipienia abmianiać makułaturu i vykarystanyja batarejki na sadavinu, paviedamili ŭ Bresckim maładziožnym abjadnańni «Čas Ziamli».
Ekałahičnaja akcyja «Klimat, zastańsia!» adbudziecca ŭ haradskim parku kultury i adpačynku. Na placoŭcy kala Teatra estrady vałanciory naładziać abmien makułatury i niepatrebnych akumulataraŭ na sadavinu. Pa ŭstanoŭlenym kursie za 1 kh papiery ci try batarejki brestaŭčanie atrymajuć adzin jabłyk. Najbolš aktyŭnych haradžan za zdaču druhasnaj syraviny zaachvociać jašče vialikaj kolkaściu vitaminaŭ.
U hety dzień budzie arhanizavanaja fotavystava, udzielnikami jakoj mohuć stać usie achvotnyja. Žycharam abłasnoha centra prapanujuć padzialicca zdymkami z pryrodaj Biełarusi, vidami haradoŭ, a taksama fatahrafijami, pryśviečanymi prablemam urbanizacyi i źmieny klimatu.
Dla maleńkich naviedvalnikaŭ supracoŭniki Bresckaha śmiećciepierapracoŭčaha zavoda praviaduć navučalnuju hulniu pa sartavańni śmiećcia. Pradstaŭniki Bresckaha ekałahičnaha infarmacyjnaha centra padčas majstar-kłasa navučać dziaciej malavać na lnianych torbach. Zatym ich možna budzie vykarystoŭvać zamiest polietylenavych pakietaŭ.
Dla haściej ekałahičnaha śviata vałanciory padrychtavali masu inšych siurpryzaŭ. «Šmat što ŭ źmienie klimatu zaležyć ad nas samich. Padčas akcyi my chočam raskazać pra karyść druhasnych resursaŭ, pra toje, što ich pierapracoŭka ekanomić vialikuju kolkaść enierhii, vady», — padkreślili arhanizatary mierapryjemstva.
Akcyja «Klimat, zastańsia!» arhanizavanaja tavarystvam «Zialonaja sietka» i Bresckim moładzievym abjadnańniem «Čas Ziamli» pry prodieržkie Bresckich śmiećciepierapracoŭčaha zavoda i ekałahičnaha infacentra.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary