Dziaržaŭny doŭh Biełarusi na 1 lipienia skłaŭ 359,1 trłn i pavialičyŭsia z pačatku hoda na 9,3%, abo na 30,6 trłn rubloŭ (biez uliku denaminacyi), paviedamiła pres-słužba Minfina.
Pry hetym źniešni dziarždoŭh vyras z ulikam kursavych roźnic na 637,1 młn dalaraŭ, da 13,1 młrd dalaraŭ.
U studzieni-červieni Minfin pryciahnuŭ źniešnija dziaržzajmy na sumu 943,8 młn dalaraŭ (500 młn — kredyt Jeŭrazijskaha fondu stabilizacyi i raźvićcia, 239,2 młn — kredyty urada i bankaŭ Rasii, 162,6 młn — kitajskija kredyty, 41,6 młn — MBRR, 0,4 młn — JEBRR).
Pry hetym užo ŭ lipieni Biełaruś atrymała druhi tranš ad Jeŭrazijskaha fondu stabilizacyi i raźvićcia, jašče 200 młn dołaraŭ, što pavinna spraścić prachodžańnie čarhovaha piku vypłat pa daŭhach ŭ žniŭni paśla niekalkich miesiacaŭ zacišša.
U apošni miesiac leta, pa dadzienych Nacbanka, treba budzie spłacić kala 1 młrd dołaraŭ.
Na pahašeńnie źniešniaha dziarždoŭhu z pačatku 2016 hoda pajšło 415,3 młn dalaraŭ (176,6 młn — JEFSR, 150 młn dalaraŭ — uradu Rasii, 67,6 młn — bankam Kitaja, 20,4 młn — MBRR, 0,7 młn dalaraŭ — ZŠA).
Unutrany dziarždoŭh pa stanie na 1 lipienia skłaŭ 96,7 trłn i źmienšyŭsia z pačatku hoda na 0,7 trłn rubloŭ (z ulikam kursavych roźnic), abo na 0,7%.
Za studzień-červień 2016 hoda raźmieščana ŭnutranych valutnych i rublovych dziaržaŭnych ablihacyj dla jurydyčnych i fizičnych asob na sumu 663,9 miljona dalaraŭ i 4,907 tryljona rubloŭ, kampiensavana valutnych i rublovych dziaržaŭnych ablihacyj dla fizičnych i jurydyčnych asob na sumu 1,055 młrd dalaraŭ i 4,733 tryljona rubloŭ.
Jak raniej paviedamlałasia, dziaržaŭny doŭh Biełarusi za 2015 hod vyras na 66,4% — da 328,6 trłn na 1 studzienia. Pry hetym źniešni dziarždoŭh źmienšyŭsia za hod na 1,1%, unutrany — vyras u 2 razy, da 97,4 trłn.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»9
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary