Дзяржаўны доўг Беларусі на 1 ліпеня склаў 359,1 трлн і павялічыўся з пачатку года на 9,3%, або на 30,6 трлн рублёў (без уліку дэнамінацыі), паведаміла прэс-служба Мінфіна.
Пры гэтым знешні дзярждоўг вырас з улікам курсавых розніц на 637,1 млн даляраў, да 13,1 млрд даляраў.
У студзені-чэрвені Мінфін прыцягнуў знешнія дзяржзаймы на суму 943,8 млн даляраў (500 млн — крэдыт Еўразійскага фонду стабілізацыі і развіцця, 239,2 млн — крэдыты урада і банкаў Расіі, 162,6 млн — кітайскія крэдыты, 41,6 млн — МБРР, 0,4 млн — ЕБРР).
Пры гэтым ужо ў ліпені Беларусь атрымала другі транш ад Еўразійскага фонду стабілізацыі і развіцця, яшчэ 200 млн долараў, што павінна спрасціць праходжанне чарговага піку выплат па даўгах ў жніўні пасля некалькіх месяцаў зацішша.
У апошні месяц лета, па дадзеных Нацбанка, трэба будзе сплаціць каля 1 млрд долараў.
На пагашэнне знешняга дзярждоўгу з пачатку 2016 года пайшло 415,3 млн даляраў (176,6 млн — ЕФСР, 150 млн даляраў — ураду Расіі, 67,6 млн — банкам Кітая, 20,4 млн — МБРР, 0,7 млн даляраў — ЗША).
Унутраны дзярждоўг па стане на 1 ліпеня склаў 96,7 трлн і зменшыўся з пачатку года на 0,7 трлн рублёў (з улікам курсавых розніц), або на 0,7%.
За студзень-чэрвень 2016 года размешчана ўнутраных валютных і рублёвых дзяржаўных аблігацый для юрыдычных і фізічных асоб на суму 663,9 мільёна даляраў і 4,907 трыльёна рублёў, кампенсавана валютных і рублёвых дзяржаўных аблігацый для фізічных і юрыдычных асоб на суму 1,055 млрд даляраў і 4,733 трыльёна рублёў.
Як раней паведамлялася, дзяржаўны доўг Беларусі за 2015 год вырас на 66,4% — да 328,6 трлн на 1 студзеня. Пры гэтым знешні дзярждоўг зменшыўся за год на 1,1%, унутраны — вырас у 2 разы, да 97,4 трлн.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары