Maładziečna: infarmacyja pra zarehistravanych kandydataŭ źjaviłasia na sajcie vykankama jašče da pasiadžeńnia kamisii
9 žniŭnia na pasiadžeńni akruhovaj vybarčaj kamisii Maładziečanskaj sielskaj akruhi №73 adbyłasia rehistracyja kandydataŭ u deputaty Pałaty pradstaŭnikoŭ. Z čatyroch pretendentaŭ byli zarehistravany try. Siarod ich — hałoŭny ekanamist sielskahaspadarčaha ŭnitarnaha pradpryjemstva «Chažovaahra-2009» Lidzija Anop, jakaja zdała 1099 podpisaŭ; kiraŭnik spravami Minabłvykankamu Ivan Markievič, jaki zdaŭ 5781 podpis (jon ža byŭ vyłučany i kalektyvam Vałožynskaj ahrapramtechniki), i Uładzimir Smalak, vyłučany Abjadnanaj hramadzianskaj partyjaj.
Było admoŭlena ŭ rehistracyi aktyvistu hramadzianskaj kampanii suprać pabudovy ŭ Maładziečanskim rajonie bujnych śvinakompleksaŭ, pradstaŭniku BCHD Paŭłu Prakapoviču, jaki, pa źviestkach kamisii, zdaŭ 999 podpisaŭ. Sam Prakapovič śćviardžaje, što zdaŭ bolš podpisaŭ i źbirajecca abskardžvać svaju nierehistracyju.
Što cikava, jašče da rehistracyi i da samoha dnia pasiadžeńnia akruhovaj kamisii na sajcie rajvykankama ŭ apublikavanych tam źviestkach ab asobach, vyłučanych kandydatami ŭ deputaty, proźvišča Prakapoviča adsutničała.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?5
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1818
Kamientary