Na sajcie fiederacyi baraćby źjaviłasia vinšavańnie Čyžu ź miedalami, zavajavanymi barcami ŭ Rya
Na sajcie Biełaruskaj fiederacyi baraćby źjaviŭsia tekst z padziakaj Juryju Čyžu, jaki ŭ ciapierašni čas pad vartaj.
«Pavažany Juryj Alaksandravič! Vy čałaviek usioj dušoj addadzieny baraćbie i sporcie. Dziakuj Vam za padtrymku i dapamohu biełaruskaj baraćbie, jakuju Vy akazvali na praciahu mnohich hadoŭ.
Toj viektar namahańniaŭ, jaki Vy zakłali padčas Vašaha kiraŭnictva fiederacyjaj, prynios svaje vyniki. Našy barcy hodna pradstavili Biełaruś na hałoŭnym starcie čatyrochhodździa. Žadajem zdaroŭja, ciarpieńnia i mužnaści ŭ ciažkija chviliny», — havorycca ŭ paviedamleńni.
Nahadajem, ź dzieviaci miedaloŭ našych spartsmienaŭ na Alimpijadzie ŭ Rya — try zavajavali pradstaŭniki baraćby.
30 lipienia namieśnik ministra sportu Dubkoŭski źmianiŭ Čyža na pasadzie staršyni fiederacyi baraćby Biełarusi.
U ciapierašni čas Juryj Čyž znachodzicca pad vartaj pa padazreńni va ŭchileńni ad vypłaty padatkaŭ.
Kamientary