U apošnija dni leta čakajecca ciopłaje i suchoje nadvorje, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ.
«U apošnija dni leta čakajecca ciopłaje i suchoje nadvorje. Jaho abumović antycykłon Gerd, jaki pieramiaščajecca praz terytoryju Biełarusi va Ukrainu, sfarmiravany ŭ ciopłaj pavietranaj masie», - adznačyŭ načalnik słužby.
U subotu budzie biez apadkaŭ. Nočču i ranicaj miescami mahčymy słaby tuman. Tempieratura nočču składzie 8-15 hradusaŭ vyšej za nul, dniom čakajecca 26-32 hradusy ciapła.
Apadki ŭ niadzielu taksama nie prahnazujucca. Tempieratura nočču składzie 9-16 hradusaŭ vyšej za nul, dniom budzie 25-32 hradusy ciapła, pa paŭnočnym uschodzie - plus 21-24.
Tempieratura vady ŭ rekach i vadajomach składzie 15-22 hradusy vyšej za nul.
U paniadziełak na fonie vysokaha cisku budzie prachodzić małaaktyŭny atmaśfierny front: nočču ŭ asobnych rajonach Viciebskaj vobłaści, dniom miescami pa krainie projduć karotkačasovyja daždžy, u dzionny čas mahčymy navalnicy. Tempieratura nočču składzie 13-18 hradusaŭ vyšej za nul, dniom čakajecca 25-32 hradusy ciapła.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ34
Kamientary