Fiederalnaja kanclerka Hiermanii Anhieła Mierkiel, vystupajučy ŭ paniadziełak 29 žniŭnia na pieradvybarčym mierapryjemstvie Chryścijanska-demakratyčnaj partyi ŭ Švierynie, vystupiła z rezkaj krytykaj dziejańniaŭ Maskvy va Ukrainie.
Nahadaŭšy, što Jeŭrasajuz uvioŭ sankcyi suprać Rasii ŭ suviazi z dałučeńniem Kryma i ŭzbrojenaj padtrymkaj Maskvoj sieparatystaŭ na Danbasie, kiraŭnica niamieckaha ŭrada padkreśliła, što nikomu nie dazvolena biespakarana pierakrojvać miežy ŭ Jeŭropie.
Mierkiel adznačyła, što była ahałomšanaja, kali pieršy rasijski tank pierasiok ŭkrainskuju miažu. «Siońnia ž havorka idzie nie pra adzin tank, a pra vielmi, vielmi mnohija tanki», — zajaviła kancler FRH. Na jaje dumku, z-za padtrymki Rasijaj separatystaŭ nie było nivodnaha dnia, kali b vykonvaŭsia režym spynieńnia ahniu na ŭschodzie Ukrainy.
U toj ža čas kiraŭnica niamieckaha ŭrada znoŭ padkreśliła, što admova ad sankcyj była b jak u intaresach Rasii, tak i Hiermanii. «Ja vielmi zacikaŭlenaja ŭ spynieńni sankcyj», — adznačyła Mierkiel, užo ŭ katory raz źviazaŭšy ich admienu z vykanańniem Maskvoj minskich pahadnieńniaŭ. «U toj momant, kali my dasiahniom prahresu ŭ vykanańni minskich pahadnieńniaŭ, sankcyi buduć pasłablenyja», — zajaviła kancler FRH.
Kamientary