10 vieraśnia na papłavach Muzieja narodnaj architektury i pobytu pad Minskam pry padtrymcy Banka BiełVEB adbudziecca mižnarodny fołk-fiestyval «Kamianica 2016», chedłajnierami jakoha buduć etna-trya «Trojca» (Biełaruś) i Ina Žałannaja (Rasija). Ale nie muzykaj adzinaj — u hetym hodzie arhanizatary padrychtavali jak nikoli masštabnuju prahramu zabaŭ, jakija pačnuć pracavać a 13-j hadzinie.
Amataraŭ aktyŭnych zabaŭ čakajuć łučna-arbaletny cir i baraćba na pajasach, katańnie na koniach i poni, narodnyja tancy i bojki na nadzimanych miačach. Dla samych śmiełych — paloty na hirapłanie, ź jakoha možna budzie pabačyć navakolle Muzieja narodnaj architektury i pobytu z vyšyni ptušynaha palotu.
Žadajučych pasprabavać siabie ŭ ramiostvach čakajuć majstar-kłasy ad sapraŭdnaha kavala i hančara z 20-hadovym dośviedam, a taksama majstroŭ placionych i tkanych pajasoŭ, aplikacyi i fłarystyki. Usie jany abiacajuć dać haściam fiestyvalu chacia b na 15 chvilin adčuć siabie častkaj viekaviečnych tradycyj.
Amataraŭ vizualnych mastactvaŭ čakajuć vystavy žyvapisu ad mastakoŭ Hanny Silivončyk, Vasila Pieškuna, Alesia Puškina. Fatohraf Viktar Małyščyc priedstavić vystavu zdymkaŭ zornaha nieba z roznych kutkoŭ Biełarusi. Jaho kaleha Alaksandr Ždanovič — vystavu lepšych fatahrafij za ŭsie hady fiestyvalu «Kamianica».
Nie zastanucca biez uvahi i dzieci. Akramia papularnaj placoŭki ź sienam i sałomaj, ich čakaje nasyčanaja prahrama ad Siamiejnaha centru Kaciaryny Kaŭrovaj. Małyšy roznaha ŭzrostu ŭ miežach admysłovych majstar-kłasaŭ zmohuć razpisać sabie hipsavuju fihurku ci namalavać ułasnuju karcinu z dapamohaj kalarovaha piasku. Taksama dziaciej čakaje sustreča z sabakami-terapieŭtami, padčas jakoj jany navučycca hładzić i karmić žyviołaŭ, vadzić ich na łancužku i hulać u hulni.
Fiestyvalnaje charčavańnie ŭ tradycyjach biełaruskaj kuchni zabiaśpiečać vyjazdnyja kropki ad staličnych restaracyj «Kamianica», «Hraj», «Ahinski», a taksama pracujučaja na terytoryi muzieja «Biełaruskaja karčma».
U muzyčnaj prohrammie fołk-fiestyvalu «Kamianica 2016» vystupiać: etna-trya «Trojca» (Biełaruś), śpiavačka Ina Žałannaja (Rasija), fołk-rokiery «Taruta» (Ukraina), etna-transavy kalektyŭ «Ole-Łukojie» (Rasija), rok-hurt Re1ikt (Biełaruś), fołk-ansambl «Vietach» (Biełaruś), śpiavačka Palina Respublika (Biełaruś) i inšyja muzyki.
Kvitki na fiestyval užo ŭ prodažy pra sajt i kasy apierataraŭ ByCard, SMSbilet. Darosłyja — 10 rubloŭ, studenty — 7 rubloŭ, školniki — 5 rubloŭ. Daškolniki i hledačy ŭ poŭnych nacyjanalnych strojach (ad abutku da hałaŭnoha ŭbora) prachodziać biaspłatna. Hrošy ad mierapryjemstva iduć naŭprost na rachunki Muzieju narodnaj architektury i pobytu, dapamahajučy zachoŭvać unikalnuju kalekcyju biełaruskaj draŭlanaj architektury 18-20 stahoddzaŭ.
Fiestyval adbudziecca z 13 da 22 hadzin. Dajechać da placoŭki (v. Aziarco, 3 km ad aŭtarynka «Malinaŭka») možna na asabistym aŭtamabilnym transparcie ci rovary. Z 12.30 da 23.00 ad stancyi miatro «Malinoŭka» budzie kursiravać biaspłatny fiestyvalny aŭtobus.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam3
Kamientary