U Minsku ŭ Dzień horada budzie zabiaśpiečana handlovaje absłuhoŭvańnie va ŭsich miescach praviadzieńnia kulturna-masavych i spartyŭnych mierapryjemstvaŭ. Takaja infarmacyja raźmieščana na sajcie Hałoŭnaha ŭpraŭleńnia spažyvieckaha rynku (HUSR) Minharvykankama.
Va ŭsich rajonach horada administracyi rajonaŭ arhanizujuć vyjazny handal ź vialikaj kolkaściu pasadačnych miesc. Praciahłaść handlovych radoŭ pierasiahnie 2 km, u absłuhoŭvańni zadziejničajuć 500 subjektaŭ handlu.
Vyjazny handal razhorniecca 3 vieraśnia z 10.00 da 23.00 na placoŭcy la Pałaca sportu. Na centralnaj śviatočnaj placoŭcy arhanizujuć maksimalnuju kolkaść rabočych miesc dla pradaŭcoŭ, praduhledžvajecca realizacyja šyrokaha asartymientu kulinarnych, kandytarskich vyrabaŭ, napitkaŭ, marožanaha. Svaju pradukcyju dla minčan i haściej stalicy prapanujuć «Kamunarka», Minski choładakambinat numar 2, «Biełryba», «Minskchlebpram», HD «Na Niamizie», «CUM Minsk», handlovyja sietki «Radziviłaŭski», «Biełmarkietkompani», «Rubloŭski», Susiedzi», pradpryjemstvy Biełkaapsajuza i inšyja.
Akramia taho, la Pałaca sportu adbuducca majstar-kłasy pa pryhatavańni straŭ biełaruskaj kuchni.
U hety ž dzień paśla ramontu kandytarskaja fabryka «Kamunarka» adkryje firmienny mahazin «Łakamka» (pr. Niezaležnaści, 19). Pieršym pakupnikam uručać padarunki. Naviedvalnikaŭ taksama čakajuć kancertnaja prahrama, rozyhryšy, pryzy, konkursy, dehustacyja i mnohaje inšaje.
4 vieraśnia budzie arhanizavana handlovaje absłuhoŭvańnie na placoŭcy kala Pałaca sportu pry praviadzieńni Minskaha paŭmarafonu.
«Arhanizacyjna-rekłamnyja mierapryjemstvy, što pravodziacca handlovymi arhanizacyjami Minska, daduć mahčymaść stvaryć śviatočnuju atmaśfieru ŭ handlovych abjektach i zabiaśpiečyć absłuhoŭvańnie nasielnictva i haściej stalicy na vysokim uzroŭni», - adznačajuć u HUSR harvykankama.
Kamientary