Biełaruś i Rasija prajšli vielizarny šlach, kab nie razyścisia, nie razarvać adnosiny i zastacca blizkimi siabrami i ŭ ekanomicy, i ŭ palitycy, i ŭ hramadskim žyćci. Pra heta Alaksandr Łukašenka zajaviŭ u intervju rasijskamu infarmacyjnamu ahienctvu TASS dla telefilma, pryśviečanaha 25-hodździu SND, i teleprahramie «Formuła ŭłady».
«Składany šlach, ale my jaho prachodzim hodna, choć i ź niekatorymi šurpataściami», — skazaŭ Łukašenka.
Pavodle jaho słoŭ, krainy vielmi šmat zrabili ŭ płanie adzinstva, kab narody nie byli pakryŭdžanyja raspadam Savieckaha Sajuza, — bolš, čym chto-niebudź z postsavieckich respublik. «My pryniali šmat rašeńniaŭ, jakija ŭraŭnoŭvajuć biełarusaŭ i rasijan u pravach. My adyšli ad toj prorvy, jakaja mahła być pamiž Biełaruśsiu i Rasijaj i jakaja vyznačałasia tam pad Smalenskam. Ale było b niapraŭdaj, kali b my havaryli tolki ab hetym stanoŭčym baku. U nas masa prablem», — adznačyŭ Łukašenka.
Jon taksama dadaŭ: «My, napeŭna, u čymści nie razumieli Rasiju. Rasija chapałasia to za hazavuju, to za naftavuju trubu, to nie prapuskała našy tavary. My niedzie, napeŭna, siabie nie zusim pravilna pavodzili, choć imknulisia «starejšaha brata» nie kryŭdzić i nie złavać — heta taksama praŭda».
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary