ZŠA i Rasija apublikavali płan, zaklikany źnizić uzrovień hvałtu ŭ Siryi i pierajści da mirnaha ŭrehulavańnia situacyi.
«Siońnia ZŠA i Rasija abviaščajuć ab płanie, jaki, jak my spadziajemsia, daść mahčymaść źmienšyć hvałt, palehčyć pakuty i adnavić ruch da mirnych pieramovaŭ i mirnym urehulavańni ŭ Siryi», — zajaviŭ dziaržsakratar ZŠA Džon Kiery.
Pa słovach amierykanskaha čynoŭnika, uzhodnieny płan maje bolš daloka idučyja nastupstvy, čym lubyja pahadnieńni na siońniašni dzień i ŭ vypadku jaho vykanańnia ŭsimi bakami dazvolić pierajści da mirnych pieramovaŭ.
«My spadziajemsia, što kali płan budzie całkam vykanany, jon stanie pavarotnym punktam», - zajaviŭ Kiery.
Zhodna z dasiahnutymi damoŭlenaściami, ŭsie baki kanfliktu ŭ Siryi pavinny spynić vajennyja dziejańni z 12 vieraśnia.
Režym spynieńnia bajavych dziejańniaŭ u Siryi pavinien prapracavać na praciahu siami dzion, paśla čaho budzie stvorany śpiecyjalny centr pa raźmiežavańni terarystaŭ i ŭmieranaj apazicyi, raspavioŭ rasijski ministr zamiežnych spraŭ Siarhiej Łaŭroŭ.
Akramia taho, urad Siryi nie pavinien nanosić avijaŭdary ŭ peŭnych rajonach krainy, a siły apazicyi pavinny buduć usimi mahčymymi sposabami dystancyjavacca ad ekstremisckich hrupovak «Front Nusra» i «Isłamskaja dziaržava».
Pieramovy Siarhieja Łaŭrova i jaho amierykanskaha kalehi ŭ Ženievie praciahvalisia 12 hadzin. Paśla hetaha Vašynhton i Dziarždepartament ŭzhadniali płan jašče niekalki hadzin.
Ciapier čytajuć
Mer Minska chacieŭ sabie pasadu va ŭradzie, ale Łukašenka nie puściŭ2
Kamientary