Naziralnik u Minsku vyjaviŭ u prazrystaj skryni toŭsty i roŭny stos dakinutych biuleteniaŭ
Jon ličyć, što taki hruby ŭkid byŭ ździejśnieny tamu, što jon uvieś čas pilnavaŭ skryniu, i načalnica kamisii śpiašałasia, pakul jon vyjšaŭ pahavaryć pa telefonie.
Zavieści kryminalnuju spravu patrabuje naziralnik Jarasłaŭ Navumienka pa fakcie masavaha ŭkidu biuleteniaŭ na ŭčastku №625 Kalinoŭskaj vybarčaj akruhi №108 Minska. Adpaviednuju skarhu naziralnik nakiravaŭ u akruhovuju kamisiju, u RUUS i prakuraturu Pieršamajskaha rajona stalicy.
Naziralnik kampanii «Prava vybaru-2016» ad «Ruchu «Za svabodu» śćviardžaje, što 9 vieraśnia ŭ prysutnaści siabraŭ kamisii pad staršynstvam Valeryja Mialeški i sakratara Taćciany Trubčyk u skryniu dla daterminovaha hałasavańnia ŭkinuty falsifikavanyja biuleteni ŭ vialikaj kolkaści.
«Pierad abiedzienym pierapynkam ŭ mianie vyklikała padazreńnie, što ŭ skryni jość prycisnutyja adzin da adnaho ŭ vyhladzie ščylnaha stosa biuleteni, čaho nie moža być pry adzinkavym ukidvańni biuleteniaŭ vybarščykami. Na heta była źviernuta ŭvaha staršyni kamisii Mialeški, ad jakoha zrazumiełaha adkazu nie było pačuta», - piša naziralnik.
9 vieraśnia pa padlikach Jarasłava Navumienki na ŭčastak pryjšli 42 vybarščyki. Pry ahałošvańni vynikaŭ hałasavańnia paśla zakryćcia ŭčastka ŭ 19-00 kamisija nazvała inšuju kolkaść biuleteniaŭ - 228. Iznoŭ u skryni dla hałasavańnia źjaviŭsia ščylny stos biuleteniaŭ.
7 vieraśnia naziralnik taksama zafiksavaŭ razychodžani ŭ ličbach, adnak patłumačyć ich nie zdoleŭ. 7 vieraśnia kamisija naličyła 45 biuleteniaŭ suprać naličanych naziralnikam 34, a 8 vieraśnia - 45 suprać 27.
«Dakazać falsifikacyju možna, paraŭnaŭšy śpisy prahałasavaŭšych z kolkaściu biuleteniaŭ u skryni», - adznačaje naziralnik.
Jarasłaŭ Navumienka ŭvieś pracoŭny čas znachodzicca na ŭčastku, vychodziačy za jahonyja miežy tolki pry razmovie pa telefonie, ale pry hetym nie vypuskaje ŭvachodnyja dźviery z pola zroku.
Naziralnik prosić pryciahnuć da kryminalnaj adkaznaści vinavatych.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary