Kandydat u deputaty, eks-kandydat u prezidenty, adzin ź lidaraŭ kampanii «Havary praŭdu» Taćciana Karatkievič prahałasavała na parłamienckich vybarach za samu siabie. Pra heta jana paviedamiła žurnalistam paśla hałasavańnia 11 vieraśnia.
Karatkievič pryjšła na vybarčy ŭčastak z mužam, synam i susiedkaj. Ich taksama supravadžaŭ adzin ź lidaraŭ kampanii «Havary praŭdu» Andrej Dźmitryjeŭ.
Karatkievič upeŭnienaja, što jaje hołas «dałučyŭsia da bolšaści ludziej, jakija chočuć pieramienaŭ». Na pytańnie, jak jana aceńvaje svaje šancy na vybarach, palityk adkazała: «Siońnia heta ŭžo ŭsio adno. Stolki pracy zroblena štodzionnaj — heta sustrečy z vybarščykami, razmovy, pierakanańni, dyskusii. Siońnia važna, kab paličyli pravilna i kab pieramahli ludzi, jakija addali svoj hołas za mirnyja pieramieny».
Karatkievič padkreśliła, što spadziajecca na pravilny padlik hałasoŭ na vybarach. «Ja nie baču sensu ličyć pa-inšamu», — dadała jana.
Niezaležna ad vynikaŭ vybaraŭ Taćciana Karatkievič maje namier praciahvać palityčnuju dziejnaść, adstojvać svaju prahramu, «dapamahać vybarščykam rabić tak, kab palityka była sapraŭdnym miechanizmam vyrašeńnia prablem i pryniaćcia rašeńniaŭ pa ŭsioj krainie».
Razam z Karatkievič pa Kastryčnickaj vybarčaj akruzie № 97 bałatujucca načalnik stancyi Minsk-Pasažyrski UP «Minskaje adździaleńnie Biełaruskaj čyhunki» Alaksandr Droždža, člen Abjadnanaj hramadzianskaj partyi, dyrektar TAA «Hrynrej» Hanna Kanapackaja, dyrektar pryvatnaha handlova-vytvorčaha ŭnitarnaha pradpryjemstva «Saciŭs», siabra Biełaruskaj patryjatyčnaj partyi Valeryj Klincoŭ, inžynier-technołah TAA «Intehrał», siabra Biełaruskaj partyi levych «Spraviadlivy śviet» Jaŭhien Makaraŭ, a taksama namieśnik hałoŭnaha inžyniera - načalnik adździeła achovy pracy i navakolnaha asiarodździa AAT «Minski zavod hramadzianskaj avijacyi 407» Kanstancin Montač.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary