Biźniesmien Uładzimir Japryncaŭ, jaki niadaŭna vyjšaŭ na volu, prakamientavaŭ Tribuna.com infarmacyju ab tym, što minskaje «Dynama» moža pierajści pad jaho kiravańnie.
— Razmovy chodziać. Inšaj infarmacyi ŭ mianie niama. Kali rašeńnie budzie pryniata, my siadziem i pra ŭsio pahavorym. A ciapier ty možaš z takim ža pośpiecham pytać mianie pra atamnuju elektrastancyju. Tut ja taksama sioje-toje razumieju, ale heta nie maje nijakaha dačynieńnia da navakolnaj rečaisnaści i da taho, jakija rašeńni buduć pryniatyja.
Kiravać «Dynama» — heta vielizarnaja praca, šmat u čym niaŭdziačnaja — heta ja dakładna viedaju. Vykazvaju pavahu lubomu čałavieku, jaki hety voz paciahnie, voś i ŭsio. A što ŭ mianie atrymajecca i ci pakličuć mianie - nie viedaju, ale kali prapanova pastupić, ja, napeŭna, pahadžusia i skažu: «Jość!». Mnie zdajecca, ja viedaju, u jaki bok iści.
Kamientary