U Narviehii 126 uładalnikaŭ aŭtamabila Model S padali ŭ sud na kampaniju Tesla — pazoŭniki niezadavolenyja chutkaściu razhonu elektrakara.
Jak paviedamlaje ahienctva Błumbierh, narviežcy chočuć, kab amierykanski vytvorca elektramabilaŭ viarnuŭ im hrošy, bo aŭtamabili, na ich dumku, nie adpaviadajuć zajaŭlenym patrabavańniam pa mahutnaści i chutkaści.
Advakat jurydyčnaj firmy Wikborg Rein Kaspar Tomesen paviedamiŭ Błumbierhu, što ŭ mašyn zanadta mała konskich sił.
U elektramabili Model S P85D praduhledžany «šalony režym», pry jakim aŭtamabil pavinien razhaniacca da 100 km u hadzinu ŭsiaho 3,1-3,3 siekundy. Narviežskija pakupniki śćviardžajuć, što ŭ «šalonym režymie» aŭtamabil nie razhaniajecca tak chutka.
Pradstaŭniki Tesla paviedamili Błumbierhu i narviežskim ŚMI, što testy, praviedzienyja samoj kampanijaj i niezaležnymi ekśpiertami, pakazali, što realnyja charaktarystyki aŭtamabila adpaviadajuć zajaŭlenym.
Adzin z rasčaravanych pakupnikoŭ froda Fleten Jakabsen paviedamiŭ narviežskamu vydańniu Dagens Naeringsliv, što jon pradaŭ staruju viersiju Model S mahutnaściu ŭ 400 konskich sił, kab kupić bolš mahutnuju 700-silnuju Model S P85D.
Jon kaža, što dapłaciŭ kala 18 tysiač dalaraŭ, ale, pa słovach Jakabsena, mahutnaść novaha aŭtamabila skłała tolki 469 konskich sił.
Narviehija stała adnym z samych bujnych rynkaŭ dla aŭtamabilaŭ Tesla, paviedamlaje Błumbierh. Častkova heta źviazana z subsidyjami z boku ŭrada na kuplu elektramabilaŭ. Madel Model S P85D bolš nie pradajecca ŭ krainie, jaje źmianiła Model S P90D.
U Narviehii ŭžo padavali ŭ sud na Tesla z-za zanadta pavolnaha razhonu elektrakara P85D. U červieni sud pastanaviŭ vypłacić piaci paciarpiełym klijentam kala 6 tysiač dalaraŭ kožnamu. Tady ŚMI paviedamili, što aŭtamabil razhaniajecca da 100 km u hadzinu za 3,5 siekundy.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty20
Kamientary