Avijaŭdary sił mižnarodnaj kaalicyi na čale ZŠA pa siryjskich vojskach u rajonie horada Dejr-ez-Zor u subotu byli naŭmysnymi, zajaviŭ u intervju ahienctvu Asašyejted pres prezident Siryi Bašar Asad. ZŠA raniej zajavili, što nie płanavali abstrelvać siryjskich vajskoŭcaŭ.
Pa słovach Asada, avijaŭdary pa pazicyjach siryjskich vajskoŭcaŭ doŭžylisia kala hadziny.
«Vy nie ździajśniajecie pamyłku bolš čym hadzinu», — zajaviŭ Asad i vykazaŭ mierkavańnie, što bajeviki ID viedali pra ataku, bo napali praktyčna adrazu paśla jaje i zachapili abstralanyja ZŠA pazicyi.
Abstreł sił siryjskaj uradavaj armii adbyŭsia ŭ subotu. Rasija abviaściła, što ŭ vyniku napadu byli zabityja dziasiatki vajskoŭcaŭ, i zapatrabavała sklikać ekstrannaje pasiadžeńnie Rady Biaśpieki AAN.
Kamandavańnie ŭzbrojenych sił ZŠA śćviardžaje, što kaalicyja płanavała nanieści ŭdary pa bajevikach ID. Udary byli nieadkładna spynienyja, jak tolki rasijskija vajskoŭcy paviedamili, što ich mišeńniu, mahčyma, stali siryjskija vajskoŭcy, zajavili ŭ Pientahonie.
Incydent pastaviŭ pad pahrozu praciah pieramirja, jakoje ŭstupiła ŭ siłu ŭ Siryi viečaram 12 vieraśnia.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii14
Kamientary