U Varoniežy pamierli baćki kiraŭnika t.zv. «Łuhanskaj narodnaj respubliki» Ihara Płatnickaha, atruciŭšysia hrybami, paviedamlaje RIAN.
Pažyłaja para, jakaja pražyvała ŭ varoniežskim pasiołku Padhornaje, była špitalizavanaja ź simptomami atručvańnia na druhija vychadnyja vieraśnia. Nieŭzabavie ich pieravieźli ŭ maskoŭskuju balnicu. Ale, niahledziačy na vysiłki lekaraŭ, piensijaniery praź niekalki dzion pamierli.
Płatnicki paćvierdziŭ infarmacyju pra śmierć svaich baćkoŭ:
«Tak, sapraŭdy, ja paćviardžaju, što na minułym tydni ŭsia naša siamja praviała ŭ apošni ziamny šlach maich baćkoŭ — baćku i maci», — skazaŭ kiraŭnik «ŁNR» u čaćvier na pres-kanfierencyi ŭ Łuhansku. Płatnicki nie pryvioŭ inšych padrabiaznaściaŭ i adznačyŭ, što bolš nie budzie viartacca da hetaj temy.
Kamientary